SignIn
Kerala Kaumudi Online
Thursday, 18 July 2019 12.15 PM IST

മുംബയിലെ ആദിവാസി ഡോക്ടറുടെ മരണത്തിൽ വൻ വഴിത്തിരിവ്: നിർണ്ണായക വെളിപ്പെടുത്തലുമായി പോസ്റ്റ്മോർട്ടം റിപ്പോർട്ട്

payal-tadvi

മുംബയ്: സീനിയർ ഡോക്ടർമാരുടെ പീഡനത്തെ തുടർന്ന് മരണപ്പെട്ട മുംബയിലെ ബി.വൈ.എൽ നായർ ആശുപത്രിയിലെ ഡോക്ടർ പായൽ താദ്വി യുടെ മരണം കൊലപാതകമെന്ന് താദ്വിയുടെ കുടുംബത്തെ പ്രതിനിധീകരിക്കുന്ന അഭിഭാഷകൻ. പോസ്റ്റുമാർട്ടം റിപ്പോർട്ട് ആധാരമാക്കിയാണ് അഭിഭാഷകൻ നിതിൻ സത്പുട്ടെ ഈ നിഗമനത്തിൽ എത്തിയത്. 'മരണം സംഭവിച്ചതിന്റെ കാരണം' എന്ന കോളത്തിൽ 'കഴുത്തിൽ കയറിട്ട് മുറുക്കി'യതിന്റെ പാടുണ്ടെന്നാണ് പോസ്റ്റ്മോർട്ടം റിപ്പോർട്ടിൽ രേഖപ്പെടുത്തിയിരിക്കുന്നത്.

'താദ്വി മരണപ്പെട്ട സാഹചര്യവും ദേഹത്തുള്ള പാടുകളും കണക്കിലെടുക്കുമ്പോൾ ഇത് ആത്മഹത്യയല്ലെന്നും അവർ കൊല ചെയ്യപ്പെട്ടതാണെന്നും പറയാൻ കഴിയും. ഇതൊരു കൊലപാതകമെന്ന രീതിയിലാകണം പൊലീസ് അന്വേഷണം നടത്തേണ്ടത്. ഇതിനായി പൊലീസിന് രണ്ടാഴ്ചത്തെ സമയവും അനുവദിക്കേണ്ടതാണ്. മാത്രമല്ല മറ്റെവിടേക്കോ താദ്വിയുടെ മൃതദേഹം മാറ്റിയ ശേഷം കൊലപാതകി അത് തിരിച്ച് ആശുപത്രിയിലേക്ക് എത്തിച്ചുവെന്നതിനും തെളിവുകൾ ഉണ്ട് ' നിതിൻ സത്പുട്ടെ പറഞ്ഞു.

സംഭവത്തിൽ കുറ്റാരോപിതരായ ഡോക്ടർമാർ ഹേമ അഹൂജ, ഭക്തി മെഹറെ, അങ്കിത ഖണ്ഡേൽവാൾ, എന്നിവർ ഏറെ സ്വാധീനമുള്ളവരാണെന്നും അതിനാൽ തന്നെ കേസിൽ നിന്നും ഏത് വിധേനയും രക്ഷപെടാൻ ഇവർ ശ്രമിക്കുമെന്നും പബ്ലിക് പ്രോസിക്യൂട്ടറായ ജയ് സിംഗ് ദേശായി പറയുന്നുണ്ട്. ഇന്നലെയോടെ പ്രതികളായ മൂവരെയും മുംബയ് പൊലീസ് അറസ്റ്റ് ചെയ്ത് മജിസ്‌ട്രേറ്റിന് മുന്നിൽ ഹാജരാക്കിയിരുന്നു. താദ്വിയുടെ മരണം കൊലപാതകമായി കാണണമെന്ന് അന്വേഷണ ഉദ്യോഗസ്ഥരോട് ആവശ്യപ്പെട്ടുകൊണ്ട് മുംബയിലെ കോടതി ഇവരെ റിമാൻഡ് ചെയ്തിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, PAYAL TADVI, PAYAL TADVI MURDER, MUMBAI, RAGGING, CASTE DISCRIMINATION, MURDER CASE
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.