SignIn
Kerala Kaumudi Online
Friday, 12 August 2022 2.40 AM IST

യുവതി ആശുപത്രിയിലായ സംഭവം: ലഹരിയുടെ ഉറവിടം തേടി പൊലീസ്

p

കൊച്ചി: വീര്യംകൂടിയ മയക്കുമരുന്ന് ഉപയോഗിച്ച് കോഴിക്കോട് സ്വദേശിനി അബോധാവസ്ഥയിൽ കൊച്ചിയിലെ സ്വകാര്യ ആശുപത്രിയിൽ ചികിത്സതേടിയ സംഭവത്തിൽ വിദശമായ അന്വേഷണത്തിനൊരുങ്ങി പൊലീസ്. യുവതിക്ക് എം.ഡി.എം.എ ലഭിച്ച സ്രോതസാണ് പൊലീസ് തേടുന്നത്. മലബാറിലെ മയക്കുമരുന്ന് മാഫിയയുടെ പങ്ക് സംശയിക്കുന്നുണ്ട്. യുവതിയുടെ അറസ്റ്റ് ഇന്നലെ രേഖപ്പെടുത്തി വിട്ടയച്ചു.

ലിസി ആശുപത്രിയിൽ നിന്ന് ഇന്നലെ ഡിസ്ചാർജ് ചെയ്ത ഇവരെ കോഴിക്കോട്ടെ ആശുപത്രിയിലേക്ക് മാറ്റാനാണ് ബന്ധുക്കൾ തയ്യാറെടുക്കുന്നത്. മയക്കുമരുന്ന് ഉപയോഗിച്ചതിനും കൈവശംവച്ചതിനും ശനിയാഴ്ച യുവതിക്കെതിരെ കേസെടുത്തിരുന്നു. കെമിക്കൽ പരിശോധനയിൽ ലഹരിമരുന്ന് ഉപയോഗിച്ചിട്ടുണ്ടെന്ന് കണ്ടെത്തിയതിന് പിന്നാലെയായിരുന്നു നടപടി.

ഇവരുടെ ഒപ്പമുണ്ടായിരുന്ന കാസർകോട്ടുകാരായ രണ്ട് യുവാക്കളെയും കൂട്ടുകാരിയെയും സെൻട്രൽ പൊലീസ് ചോദ്യംചെയ്തിരുന്നു. ആവശ്യമെങ്കിൽ ഇവരെ വീണ്ടും വിളിച്ചുവരുത്തും. ഒന്നും ഓർമ്മയില്ലെന്നാണ് യുവതി ഇന്നലെയും പൊലീസിനോട് പറഞ്ഞത്. കൂടുതലൊന്നും ഇവർ വെളിപ്പെടുത്തിയിട്ടില്ല. മയക്കുമരുന്ന് യുവതിയുടെ കൈവശമുണ്ടായിരുന്നതായാണ് ആൺസുഹൃത്തുക്കളുടെ മൊഴി. യുവതി നേരത്തേയും മയക്കുമരുന്ന് ഉപയോഗിച്ചിരുന്നതായാണ് പൊലീസിന് ലഭിച്ചിട്ടുള്ള വിവരം.

കഴിഞ്ഞ ബുധൻ രാത്രിയാണ് എറണാകുളം നോർത്ത് റെയിൽവേ സ്‌റ്റേഷൻ പരിസരത്തെ ലോഡ്ജിൽ കുഴഞ്ഞുവീണ യുവതിയെ ആശുപത്രിയിൽ പ്രവേശിപ്പിച്ചത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DRUGS
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.