പാചകം ഇനി എന്തെളുപ്പം; ഈ അഞ്ചു കാര്യങ്ങൾ ശ്രദ്ധിച്ചാൽ ചോറും കറിയും സിംപിളായി റെഡിയാക്കാം
Tuesday 05 July, 2022 | 3:14 PM
പാചകമെന്ന് കേൾക്കുന്നത് തന്നെ പലർക്കും തലവേദനയാണ് . ജോലിയുള്ള സ്ത്രീകളെ സംബന്ധിച്ച് ആ ബുദ്ധിമുട്ട് ഇരട്ടിയാണ്. മക്കൾക്ക് സ്കൂളിലും ജോലിയുള്ളവർക്ക് ഓഫീസിലേക്കും കൊണ്ടുപോകേണ്ട ചോറും കറിയും ഒരുക്കണം. വിരുന്നുകാരെത്തിയാൽ അവരെ സൽക്കരിക്കരണം. ഇതൊക്കെ എല്ലാ വീട്ടിലെയും സ്ഥിരം കാഴ്ചകളായിരിക്കും. എന്നാൽ ചില കാര്യങ്ങൾ ശ്രദ്ധിച്ചാൽ ആർക്കും അടുക്കളപ്പണി എളുപ്പമാക്കാവുന്നതേയുള്ളൂ.
പാചകം ചെയ്യാൻ തുടങ്ങുന്നതിന് മുന്നേ വേണ്ട സാധനങ്ങളെല്ലാമെടുത്ത് അരികിൽ തന്നെ വയ്ക്കുക. കൈയെത്തുന്ന സ്ഥലങ്ങളിൽ തന്നെ ആവശ്യമുള്ള സാധനങ്ങളും വച്ചിട്ടുണ്ടെങ്കിൽ പാചകവും ഈസിയാകും സമയവും ലാഭിക്കാം.
വിരുന്നുകാർ വരുന്നുണ്ടെങ്കിൽ മുൻകൂട്ടി തന്നെ വിഭവങ്ങൾ പ്ലാൻ ചെയ്യുക. തലേദിവസമുണ്ടാക്കി വയ്ക്കാൻ കഴിയുന്നവ പാതിവേവിൽ ഉണ്ടാക്കി മാറ്റി വയ്ക്കാവുന്നതാണ്. പിറ്റേ ദിവസം ഒന്നുകൂടി വേവിച്ചെടുക്കാം. പ്രഭാതഭക്ഷണത്തിനുള്ള ദോശമാവ്, ഇഡ്ലി മാവ്, അപ്പത്തിന്റെ മാവ് ഒക്കെ രണ്ടു മൂന്നൂ ദിവസത്തേക്കുള്ളത് ഒന്നിച്ച് തയ്യാറാക്കി പല പല പാത്രങ്ങളിലാക്കി അടച്ചു സൂക്ഷിക്കാം.
രസം, മോരുകറി, അച്ചാറുകൾ എന്നിവ കൂടുതൽ ദിവസം കേടുകൂടാതെയിരിക്കുന്നതുകൊണ്ട് അവ കുറച്ചധികം ഉണ്ടാക്കി ഫ്രിഡ്ജിൽ സൂക്ഷിക്കാവുന്നതാണ്. പച്ചക്കറികളൊക്കെ തലേ ദിവസം തന്നെ നന്നായി കഴുകി അരിഞ്ഞ് മാറ്റി വയ്ക്കാം. പിറ്റേ ദിവസം രാവിലത്തെ പാചകം അതെളുപ്പമാക്കും.
മീൻ വാങ്ങി വൃത്തിയാക്കിയ ശേഷം മസാല പുരട്ടി ഫ്രീസറിൽ വയ്ക്കാം. പാചകം ചെയ്യുന്നതിന് കുറച്ച് സമയം മുന്നേയെടുത്ത് വറുത്തെടുത്താൽ മതി. തേങ്ങ ചിരകിയതും വെളുത്തുള്ളി, ഉള്ളി എന്നിവ പൊളിച്ചതുമൊക്കെ പ്രത്യേകം പ്രത്യേകം പാത്രങ്ങളിലടച്ച് ഫ്രിഡ്ജിൽ സൂക്ഷിക്കാവുന്നതാണ്.
ഒരുപാട് പാത്രങ്ങൾ അടുക്കളയിൽ നിരത്തി വയ്ക്കാതെ ആവശ്യത്തിനുള്ള പാത്രങ്ങളിൽ മാത്രം പാചകം ചെയ്യാം. ഒരു വിഭവം ഉണ്ടാക്കി കഴിഞ്ഞാൽ ആ പാത്രം തന്നെ വൃത്തിയാക്കി അടുത്ത വിഭവം ഉണ്ടാക്കാം. ഒന്നിച്ചുള്ള പാത്രം കഴുകലിൽ നിന്നും രക്ഷപ്പെടാൻ ആ വിദ്യ സഹായിക്കും.
എറണാകുളത്തുകാർക്ക് ഭക്ഷണത്തി എറണാകുളത്തെ മൂന്ന് മുന്നണി സ്ഥാനാർത്ഥികൾക്കും ഭക്ഷണത്തിൽ നിർബന്ധങ്ങളില്ല. എങ്കിലും ചില വിഭവങ്ങളോട് പ്രത്യേക താത്പരവുമുണ്ട്. ൽ നിർബന്ധങ്ങളില്ല
കൊച്ചി: ചാലക്കുടി മണ്ഡലത്തിലെ മൂന്ന് മുന്നണി സ്ഥാനാർത്ഥികൾക്കും ഭക്ഷണ കാര്യത്തിൽ പിടിവാശിയില്ല.. എൽ.ഡി.എഫ് സ്ഥാനാർത്ഥി പ്രൊഫ.സി. രവീന്ദ്രനാഥ് സഭ്യഭുക്കാണ്.
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.