തന്നെക്കാളും തന്റെ ഉടമയെ സ്‌നേഹിക്കുന്ന ഒരു ജീവി മാത്രമേ ഈ ലോകത്ത് കാണുള്ളു, അത് നായയാണ്. അതിനാലാണ് പലരും നായയെ ഓമനിച്ച് വളർത്തുന്നതും. എന്നാൽ ഈ വളർത്ത് ജീവിയെ കുറിച്ചുള്ള നിർണായകമായ ഒരു കണ്ടെത്തൽ നടത്തിയിരിക്കുകയാണ് ശാസ്ത്രലോകം. മറ്റൊന്നുമല്ല ഈ നായകൾ ശരിക്കും നായകളല്ല, ഒരിക്കൽ ഇവർ ചെന്നായകളായിരുന്നത്രേ. ഫ്രാൻസിസ് ക്രിക്ക് ഇൻസ്റ്റിറ്റ്യൂയൂട്ടിലെ ഗവേഷകരാണ് ഈ നിർണായക കണ്ടുപിടിത്തത്തിന് പിന്നിൽ. കുഞ്ഞത് 15,000 വർഷങ്ങൾക്ക് മുമ്പ് വരെ നായകൾ ഉണ്ടായിരുന്നില്ല, ചെന്നായകളിൽ നിന്നും വംശവ്യതിയാനം സംഭവിച്ചാണ് നായകൾ ജന്മമെടുത്തത്.

നേച്ചർ ജേണലിൽ പ്രസിദ്ധീകരിച്ച ഒരു പഠനത്തിൽ, യൂറോപ്പ്, സൈബീരിയ, വടക്കേ അമേരിക്ക എന്നിവിടങ്ങളിൽ നിന്ന് കഴിഞ്ഞ 72 പുരാതന ചെന്നായ്ക്കളുടെ ഡിഎൻഎ ഗവേഷകർ പരിശോധിച്ചു. കിഴക്കൻ യുറേഷ്യയിൽ നിന്നുള്ള ചെന്നായകളേക്കാൾ കിഴക്കൻ യുറേഷ്യയിൽ നിന്നുള്ള ചെന്നായകളുമായി നായ്ക്കൾക്ക് കൂടുതൽ അടുത്ത ബന്ധമുണ്ടെന്ന് അവർ കണ്ടെത്തി. യൂറോപ്പിലേതിനേക്കാൾ ഏഷ്യയിലെ ചെന്നായ്ക്കളുമായി നായകൾക്ക് ജനിതകപരമായി സാമ്യമുണ്ടെന്ന് ഡിഎൻഎ സീക്വൻസുകളുടെ വിശകലനം വെളിപ്പെടുത്തി.