SignIn
Kerala Kaumudi Online
Tuesday, 16 August 2022 3.25 PM IST

ചരിത്രമെഴുതി വ്യോമസേനാ പൈലറ്റുമാരായ പിതാവും മകളും

ന്യൂഡൽഹി: പുരുഷ ഒാഫീസർമാർക്കൊപ്പം വനിതാ ഒാഫീസർ യുദ്ധവിമാനം പറത്തുന്നതൊന്നും ഇക്കാലത്ത് വലിയ സംഭവമല്ല. എന്നാൽ, എയർ കമ്മഡോർ സഞ്ജയ് ശർമ്മയും ഫ്ളൈയിംഗ് ഒാഫീസർ അനന്യശർമ്മയും ഒരേ ഫോർമേഷനിൽ ഉൾപ്പെട്ടപ്പോൾ അത് ചരിത്രമായി. ഹോക്ക് 132 വിമാനങ്ങളുടെ ഫോർമേഷനിൽ വിമാനം പറത്തിയ പിതാവും മകളുമെന്ന ചരിത്ര നേട്ടം.

1989 മുതൽ സേനയിലുള്ള കമ്മഡോർ ശർമ്മയുടെ മകളായ അനന്യ യുദ്ധവിമാനങ്ങളുടെ മുരളൽ കേട്ടാണ് വളർന്നത്. അതുകൊണ്ട് തന്നെ മറ്റൊരു ജോലിയെക്കുറിച്ച് ആലോചിച്ചുമില്ല. ഇലക്‌ട്രോണിക്‌സ് ആന്റ് കമ്മ്യൂണിക്കേഷനിൽ ബി. ടെക് കഴിഞ്ഞ് 2016ൽ വ്യോമസേനയൽ ചേർന്നു. 2021 ഡിംസബറിൽ യുദ്ധവിമാനം പറത്തുന്ന പൈലറ്റായി കമ്മിഷൻ ചെയ്‌തതു മുതൽ സ്വപ്‌നം പൂർത്തിയാക്കാനുള്ള കാത്തിരിപ്പായിരുന്നു.

കർണ്ണാടകയിലെ ബിദാർ വ്യോമതാവളത്തിൽ വലിയ വിമാനങ്ങൾ പറത്താനുള്ള പരിശീലനത്തിനിടെയാണ് ഇക്കഴിഞ്ഞ മേയ് 30ന് പിതാവിനൊപ്പം ഒരേ ഫോർമേഷന്റെ ഭാഗമാകാൻ അവസരം ലഭിച്ചത്. കമ്മഡോർ ശർമ്മ അതിർത്തിയിൽ അടക്കം മിഗ് വിമാനങ്ങളും മറ്റും പറത്തി അനുഭവമുള്ള പൈലറ്റാണ്. ഹാക്ക് വിമാനത്തിന് മുന്നിൽ പിതാവും പുത്രിയും പോസ് ചെയ്ത ചിത്രം സമൂഹമാദ്ധ്യമങ്ങളിലും വൈറലായി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.