SignIn
Kerala Kaumudi Online
Wednesday, 10 August 2022 10.01 AM IST

പേന കാണാനില്ലെന്ന പരാതിയുമായി കോൺഗ്രസ് എം പി, നഷ്ടപ്പെട്ടത് രാഷ്ട്രപതി സ്ഥാനാർത്ഥി യശ്വന്ത് സിൻഹയുടെ പരിപാടിക്കിടെ, പങ്കെടുത്തത് ജനപ്രതിനിധികളും രാഷ്ട്രീയക്കാരും മാത്രം

pen

കന്യാകുമാരി:തന്റെ പേന കാണാനില്ലെന്ന പരാതിയുമായി കന്യാകുമാരിയിലെ കോൺഗ്രസ് എംപി വിജയ് വസന്ത്. വെറുമൊരു പേനയല്ല ഒന്നരലക്ഷത്തോളം വിലയുള്ള മോണ്ട്ബ്ലാങ്ക് ഫൗണ്ടൻ പേനയാണ് കാണാതെ പോയത്. കന്യാകുമാരി എംപിയായിരുന്ന പരേതനായ പിതാവ് എച്ച്. വസന്തകുമാറിൽ നിന്ന് തനിക്ക് പാരമ്പര്യമായി ലഭിച്ചതാണ് എന്ന വൈകാരിക അടുപ്പം കൂടി വിജയ് വസന്തിന് ഈ പേനയോടുണ്ട്. അടുത്തിടെ ചെന്നൈയിലെത്തിയ പ്രതിപക്ഷത്തിന്റെ രാഷ്ട്രപതി സ്ഥാനാർത്ഥി യശ്വന്ത് സിൻഹയുടെ പരിപാടിയിൽ പങ്കെടുക്കുമ്പോഴാണ് പേന നഷ്ടപ്പെട്ടതെന്നാണ് എം പി പൊലീസിന് നൽകിയ പരാതിയിൽ പറയുന്നത്.

പൊതുജനങ്ങൾ ആരും പങ്കെടുക്കാത്ത ചടങ്ങിൽ കോൺഗ്രസ് അടക്കമുള്ള പ്രതിപക്ഷ കക്ഷിയിലെ നേതാക്കളും ജനപ്രതിനിധികളും മാത്രമാണ് ഉണ്ടായിരുന്നത്. ചടങ്ങിൽ പങ്കെടുത്ത് മടങ്ങിയെത്തിയപ്പോഴാണത്രേ പേന നഷ്ടപ്പെട്ട വിവരം അറിയുന്നത്. തിരക്കിനിടെ പേന താഴെ വീണതാകാനാണ് സാദ്ധ്യതയെന്നാണ് എം പി പറയുന്നത്. ഇതുസംബന്ധിച്ച ്ഹോട്ടൽ ജീവനക്കാരെയും അറിയിച്ചിട്ടുണ്ട്. സി സി ടി വി ദൃശ്യങ്ങളും പരിശോധിക്കുന്നുണ്ട്. ആരെങ്കിലും പേന മോഷ്ടിച്ചതാവാനിടയില്ലെന്നാണ് വിജയ് വസന്ത് പറയുന്നത്.

പിതാവും കന്യാകുമാരി എം പിയുമായ വസന്തകുമാർ കുറച്ചുനാൾ ഉപയോഗിച്ചശേഷമാണ് വിജയ് വസന്തിന് ഇത് സമ്മാനമായി നൽകിയത്. പരാതി ലഭിച്ചതോടെ പൊലീസ് മേൽ നടപടികൾ ആരംഭിച്ചിട്ടുണ്ട്. എന്തെങ്കിലും തുമ്പ് ലഭിച്ചോ എന്ന് വ്യക്തമല്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, MP, THAMILNADU, LOST HIS PEN, 150-LAKH
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.