തിരുവനന്തപുരം: കേരള സർവകലാശാലയുടെ ബിരുദാനന്തര ബിരുദ പ്രോഗ്രാമുകളിലേക്കുള്ള പ്രവേശനത്തിന് ഓൺലൈൻ രജിസ്ട്രേഷൻ പോർട്ടലിൽ നൽകിയിരിക്കുന്ന കോളേജുകളുടേയും കോഴ്സുകളുടേയും ലിസ്റ്റിൽ താഴെ പറയുന്ന കോളേജുകളും കോഴ്സുകളും കൂടി ഉൾപ്പെടുത്തി. കോളേജ്, കോഴ്സ് എന്ന ക്രമത്തിൽ :- യു.ഐ.ടി നെയ്യാറ്റിൻകര- എം. കോം-ഫിനാൻസ്, യു.ഐ.ടി വക്കം എം. കോം-ഫിനാൻസ്, യു.ഐ.ടി വെളളറട എം. കോം-ഫിനാൻസ്, യു.ഐ.ടി കൊല്ലം- എം.എസ്സി കമ്പ്യൂട്ടർ സയൻസ്, യു.ഐ.ടി ഏരൂർ എം. കോം- ഫിനാൻസ്, യു.ഐ.ടി ആലപ്പുഴ എം.എസ്സി- കംപ്യൂട്ടർ സയൻസ്,
യു.ഐ.ടി പത്തനാപുരം എം.കോം- ഫിനാൻസ്, കോളേജ് ഒഫ് അപ്ലൈഡ് സയൻസ് അടൂർ- എം.എസ്സി കംപ്യൂട്ടർ സയൻസ്,
11ന് നടത്താൻ നിശ്ചയിച്ചിരുന്ന രണ്ടാം സെമസ്റ്റർ ന്യൂജനറേഷൻ ഡബിൾ മെയിൻ ബി.എ/ബി.എസ്സി/ബി. കോം പ്രാക്ടിക്കൽ പരീക്ഷ ജൂലായ് 13ന് നടത്തുന്നതാണ്. പുതുക്കിയ ടൈംടേബിൾ സർവകലാശാല വെബ്സൈറ്റിൽ ലഭ്യമാണ്.
ഏഴാം സെമസ്റ്റർ ബി. ടെക്, ഡിസംബർ 2021 അപ്ലൈഡ് ഇലക്ട്രോണിക്സ് ആൻഡ് ഇൻസ്ട്രുമെന്റേഷൻ എൻജിനിയറിംഗ് പ്രായോഗിക പരീക്ഷ 14ന് തിരുവനന്തപുരം കോളേജ് ഒഫ് എൻജിനിയറിംഗിൽ വച്ച് നടത്തും.
മാർച്ചിൽ നടത്തിയ ബി.പി.എ മൃദംഗം, ഡാൻസ് എന്നീ പരീക്ഷകളുടെ പ്രാക്ടിക്കൽ യഥാക്രമം ജൂലായ് 25, 26 തീയതികളിൽ ആരംഭിക്കും.
നവംബറിൽ നടത്തിയ രണ്ടാം സെമസ്റ്റർ എം.എ/എം.എസ്സി/എം. കോം
പരീക്ഷകൾ കൊവിഡ് കാരണം എഴുതാൻ സാധിക്കാത്ത വിദ്യാർത്ഥികൾക്ക് സ്പെഷ്യൽ പരീക്ഷയ്ക്ക് അപേക്ഷിക്കാം. വിദ്യാർത്ഥികൾ അവരുടെ പേര്, കാൻഡിഡേറ്റ് കോഡ്, കോഴ്സ് കോഡ് എന്നിവ അടങ്ങുന്ന അപേക്ഷ ആരോഗ്യവകുപ്പിന്റേയോ, തദ്ദേശസ്വംയഭരണവകുപ്പിന്റേയോ സാക്ഷ്യപത്രങ്ങൾ സഹിതം 20ന് അകം പ്രിൻസിപ്പൽമാർക്ക് അപേക്ഷ നൽകണം.
ആരോഗ്യശാസ്ത്ര സർവ്വകലാശാല പരീക്ഷ രജിസ്ട്രേഷൻ
മെഡിക്കൽ സൂപ്പർ സ്പെഷ്യാലിറ്റി ഡിഗ്രി (ഡി.എം ആൻഡ് എം.സി.എച്ച്) റഗുലർ/സപ്ലിമെന്ററി പരീക്ഷയ്ക്ക് സൂപ്പർഫൈനോടെ ആഗസ്റ്റ് പത്തു വരെ ഓൺലൈൻ രജിസ്ട്രേഷൻ നടത്താം.
രണ്ടാം വർഷ ഫാം ഡി പോസ്റ്റ് ബാക്കുലറേറ്റ് ഡിഗ്രി റഗുലർ/സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
അഞ്ചാം വർഷ ഫാം. ഡി ഡിഗ്രി റഗുലർ/സപ്ലിമെന്ററി പ്രാക്ടിക്കൽ പരീക്ഷാ ടൈംടേബിൾ പ്രസിദ്ധീകരിച്ചു.
സെക്കൻഡ് പ്രൊഫഷണൽ എം.ബി.ബി.എസ്സ് ഡിഗ്രി റഗുലർ (2019 സ്കീം) പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
സാങ്കേതിക സർവകലാശാല ബി.ടെക് ഫലം
2015 സ്കീം മൂന്നാം സെമസ്റ്റർ ബി.ടെക്ക് സപ്ളിമെന്ററി, എഫ്.ഇ പരീക്ഷകളുടെ വിശദമായ ഫലം യൂണിവേഴ്സിറ്റി വെബ്സൈറ്റിന്റെ 'റിസൾട്ട്' ടാബിലും വിദ്യാർത്ഥികളുടെയും കോളേജുകളുടെയും ലോഗിനിലും ലഭ്യമാണ്.
തിരുവനന്തപുരം, പത്തനംതിട്ട ക്ലസ്റ്ററുകൾ നടത്തിയ മൂന്നാം സെമസ്റ്റർ എം.ടെക് റഗുലർ പരീക്ഷകളുടെയും പത്താം സെമസ്റ്റർ ബി.ആർക് സപ്ളിമെന്ററി പരീക്ഷയുടെയും വിശദമായ ഫലം യൂണിവേഴ്സിറ്റി വെബ്സൈറ്റിന്റെ റിസൾട്ട് ടാബിലും വിദ്യാർത്ഥികളുടെയും കോളേജുകളുടെയും ലോഗിനിലും ലഭ്യമാണ്. എം.ടെക് വിദ്യാർത്ഥികൾക്ക് ഉത്തരക്കടലാസിന്റെ പകർപ്പിനായി പോർട്ടൽ വഴി 13 വരെ അപേക്ഷിക്കാം.
അപേക്ഷ ക്ഷണിച്ചു
തിരുവനന്തപുരം; ഐ.എച്ച്.ആർ.ഡിയുടെ കീഴിൽ പ്രവർത്തിക്കുന്ന കല്ലൂപ്പാറ എൻജിനിയറിംഗ് കോളേജിൽ ആരംഭിക്കുന്ന തൊഴിലധിഷ്ഠിത കോഴ്സായ പി.ജി ഡിപ്ലോമ ഇൻ സൈബർ ഫോറൻസിക്സ് ആൻഡ് സെക്യൂരിറ്റി പ്രവേശനത്തിന് അപേക്ഷ ക്ഷണിച്ചു. ബി.ടെക്/എം.ടെക്/എം.സി.എ/ബി.എസ് സി/എം.സ് സി കമ്പട്ട്യൂർ സയൻസ്/ബി.സി.എ യോഗ്യതയുള്ളവർക്കും അവസാന വർഷ പരീക്ഷ എഴുതിയവർക്കും അപേക്ഷിക്കാം. അവസാന സെമസ്റ്റർ/വർഷം വരെയുള്ള പരീക്ഷയുടെ ഒറിജിനൽ മാർക്ക് ലിസ്റ്റുകൾ കൗൺസിലിംഗ്/പ്രവേശന തീയതിയിൽ ഹാജരാക്കണം. ഉയർന്നപ്രായപരിധി 50 വയസ്. ജനറൽ വിഭാഗത്തിന് 150 രൂപയും സംവരണ വിഭാഗത്തിന് 100 രൂപയും അപേക്ഷ ഫീസ് ഡിഡിയായോ ഓൺലൈനായോ നൽകാം. അപേക്ഷാ ഫോറം www.ihrd.ac.in, www.cek.ac.inൽനിന്ന് ഡൗൺലോഡ് ചെയ്ത് 15ന് മുൻപ് പ്രിൻസിപ്പൽ, കോളജ് ഒഫ് എൻജിനിയറിംഗ് കല്ലൂപ്പാറ, കടമൻകുളം പി.ഒ, കല്ലൂപ്പാറ, തിരുവല്ല 689583 വിലാസത്തിൽ അപേക്ഷിക്കണം. ഫോൺ. 9447402630, 04692677890,2678983, 8547005034.
പ്രവാസികൾക്ക്
സംരംഭകത്വ പരിശീലനം
തിരുവനന്തപുരം: പ്രവാസികൾക്കും വിദേശത്തു നിന്നും തിരിച്ചെത്തിയവർക്കുമായി നോർക്ക ബിസിനസ്സ് ഫെസിലിറ്റേഷൻ സെന്ററിന്റെ ആഭിമുഖ്യത്തിൽ ഏകദിന സൗജന്യ ഓൺലൈൻ സംരംഭകത്വ പരിശീലന പരിപാടി ഓഗസ്റ്റ് ആദ്യവാരം സംഘടിപ്പിക്കുന്നു. പങ്കെടുക്കാൻ ആഗ്രഹിക്കുന്നവർ 18നകം നോർക്ക റൂട്ട്സ് എൻ.ബി.എഫ്.സി ഓഫീസിൽ രജിസ്റ്റർ ചെയ്യണം. ഫോൺ: 0471-2770534 / 0091-8592958677.
കുടുംബശ്രീ കിബ്സ്
ലോഗോ: എൻട്രികൾ ക്ഷണിച്ചു
തിരുവനന്തപുരം: സേവന മേഖലയിലെ വിവിധ തൊഴിലവസരങ്ങൾ കുടുംബശ്രീ അംഗങ്ങൾക്ക് ലഭ്യമാക്കുന്നതിന് രൂപീകരിച്ച കുടുംബശ്രീ ഇനിഷ്യേറ്റീവ് ഫോർ ബിസിനസ് സൊല്യൂഷൻസ് (കിബ്സ്) സൊസൈറ്റിക്ക് വേണ്ടി ലോഗോ ക്ഷണിച്ചു. കിബ്സിന്റെ ലക്ഷ്യങ്ങളുമായി ചേർന്നു പോകുന്നതായിരിക്കണം ലോഗോ. തിരഞ്ഞെടുക്കപ്പെടുന്ന എൻട്രിക്ക് 5,000 രൂപ സമ്മാനം നല്കും. ഇന്നുമുതൽ അയയ്ക്കാം. അവസാന തീയതി ജൂലായ് 27.
പബ്ലിക് റിലേഷൻസ് ഓഫീസർ, കുടുംബശ്രീ സംസ്ഥാന മിഷൻ, ട്രിഡ റീഹാബിലിറ്റേഷൻ ബിൽഡിംഗ്, മെഡിക്കൽ കോളേജ് പി.ഒ, തിരുവനന്തപുരം 695011 എന്ന വിലാസത്തിലാണ് എൻട്രികൾ അയയ്ക്കേണ്ടത്. കവറിന്റെ പുറത്ത് 'കിബ്സ് ലോഗോ മത്സരം' എന്ന് വ്യക്തമായി രേഖപ്പെടുത്തണം. kudumbashreeprcontste@gmail.com എന്ന ഇ മെയിൽ വിലാസത്തിലേക്കും അയയ്ക്കാം. കൂടുതൽ വിവരങ്ങൾ www.kudumbashree.org/kisb എന്ന വെബസൈറ്റിൽ ലഭിക്കും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |