തിരുവനന്തപുരം: ജൂനിയർ മാനേജർ (അക്കൗണ്ട്സ്)തസ്തികമാറ്റം മുഖേന, റിപ്പോർട്ടർ ഗ്രേഡ് 2 (ഇംഗ്ലീഷ്), കെയർടേക്കർ (മെയിൽ), ഇ.സി.ജി ടെക്നീഷ്യൻ, ബ്ലൂപ്രിന്റർ, ആംബുലൻസ് അസിസ്റ്റന്റ്, കോൺഫിഡൻഷ്യൽ അസിസ്റ്റന്റ് ഗ്രേഡ് 2, ഫിനാൻസ് മാനേജർ - പാർട്ട് 1 (ജനറൽ കാറ്റഗറി) തുടങ്ങി സംസ്ഥാന,ജില്ലാ തലത്തിലും എൻ.സി.എ റിക്രൂട്ട്മെന്റ്, സ്പെഷ്യൽ റിക്രൂട്ട്മെന്റ് എന്നിവയിലുമായി 38 തസ്തികകളിലേക്ക് വിജ്ഞാപനം പ്രസിദ്ധീകരിക്കാൻ ഇന്നലെ ചേർന്ന പി.എസ്.സി യോഗം തീരുമാനിച്ചു.
ഒഴിവുകൾ ഇനി ഇ- വേക്കൻസി മുഖേന മാത്രം
2022 ആഗസ്റ്റ് 1 മുതൽ ഇ - വേക്കൻസി മുഖേന സമർപ്പിക്കുന്ന ഒഴിവുകൾ മാത്രമേ സ്വീകരിക്കൂവെന്ന് പി.എസ്.സി തീരുമാനിച്ചു.
അഭിമുഖം നടത്തും
മെഡിക്കൽ വിദ്യാഭ്യാസ വകുപ്പിൽ സി.എസ്.ആർ. ടെക്നിഷ്യൻ ഗ്രേഡ് 2 (കാറ്റഗറി നമ്പർ 401/2021) തസ്തികയിലേക്ക് അഭിമുഖം നടത്തും.
ചുരുക്കപ്പട്ടിക പ്രസിദ്ധീകരിക്കും
പൊലീസ് വകുപ്പിൽ പൊലീസ് കോൺസ്റ്റബിൾ (എ.പി.ബി)(കാറ്റഗറി നമ്പർ 530/2019), കോളേജ് വിദ്യാഭ്യാസ വകുപ്പിൽ അസിസ്റ്റന്റ് പ്രൊഫസർ (പൊളിറ്റിക്കൽ സയൻസ്) (കാറ്റഗറി നമ്പർ 297/2019), (ട്രെയിനിംഗ് കോളേജുകൾ) അസിസ്റ്റന്റ് പ്രൊഫസർ (മാത്തമാറ്റിക്സ്) തസ്തികമാറ്റം മുഖേന (കാറ്റഗറി നമ്പർ 22/2020), ഗവൺമെന്റ് അനലിറ്റിക്കൽ ലബോറട്ടറിയിൽ മൈക്രോബയോളജിസ്റ്റ് (കാറ്റഗറി നമ്പർ 55/2019),മെഡിക്കൽ വിദ്യാഭ്യാസ വകുപ്പിൽ ആർട്ടിസ്റ്റ് ഫോട്ടോഗ്രാഫർ (കാറ്റഗറി നമ്പർ 88/2019),ലെജിസ്ലേച്ചർ സെക്രട്ടേറിയറ്റിൽ റിപ്പോർട്ടർ ഗ്രേഡ് 2 (മലയാളം) - ഒന്നാം എൻ.സി.എ. മുസ്ലിം (കാറ്റഗറി നമ്പർ 438/2019),കണ്ണൂർ, കാസർകോട് ജില്ലകളിൽ വിദ്യാഭ്യാസ വകുപ്പിൽ ഹൈസ്കൂൾ അസിസ്റ്റന്റ് (സോഷ്യൽ സയൻസ്) മലയാളം മാദ്ധ്യമം - ഒന്നാം എൻ.സി.എ ഹിന്ദു നാടാർ, പട്ടികവർഗ്ഗം (കാറ്റഗറി നമ്പർ 448/2019, 449/2019), ട്രാവൻകൂർ ടൈറ്റാനിയം പ്രോഡക്ട്സ് ലിമിറ്റഡിൽ അസിസ്റ്റന്റ് കെമിസ്റ്റ് (കാറ്റഗറി നമ്പർ 80/2021), കേരള സെറാമിക്സ് ലിമിറ്റഡിൽ വർക്ക് അസിസ്റ്റന്റ് (കാറ്റഗറി നമ്പർ 407/2019),പൊലീസ് വകുപ്പിൽ അസിസ്റ്റന്റ് സബ് ഇൻസ്പെക്ടർ (പട്ടികവർഗ്ഗം) (കാറ്റഗറി നമ്പർ 499/2020), ലാൻഡ് റവന്യൂ വകുപ്പിൽ തഹസിൽദാർ/സീനിയർ സൂപ്രണ്ട് (പട്ടികജാതി/പട്ടികവർഗ്ഗം, പട്ടികവർഗ്ഗം) (കാറ്റഗറി നമ്പർ 566/2021), ട്രാവൻകൂർ കൊച്ചിൻ കെമിക്കൽസ് ലിമിറ്റഡിൽ ടൈപ്പിസ്റ്റ് ക്ലാർക്ക് (ഡി.എ - ഓർത്തോമോഡറേറ്റ്) (കാറ്റഗറി നമ്പർ 66/2020) തസ്തികകളിലേക്ക് ചുരുക്കപ്പട്ടിക പ്രസിദ്ധീകരിക്കും.
സാദ്ധ്യതാപട്ടിക പ്രസിദ്ധീകരിക്കും
മെഡിക്കൽ വിദ്യാഭ്യാസ വകുപ്പിൽ മോർച്ചറി ടെക്നീഷ്യൻ ഗ്രേഡ് 2 (കാറ്റഗറി നമ്പർ 20/2020),വിവിധ ജില്ലകളിൽ വിവിധ വകുപ്പുകളിൽ ക്ലാർക്ക് ടൈപ്പിസ്റ്റ്/ടൈപ്പിസ്റ്റ് ക്ലാർക്ക് - നേരിട്ടും തസ്തികമാറ്റം മുഖേനയും (കാറ്റഗറി നമ്പർ 103/2019, 104/2019),ഓവർസീസ് ഡെവലപ്മെന്റ് ആൻഡ് എംപ്ലോയ്മെന്റ് പ്രൊമോഷൻ കൺസൾട്ടന്റ്സ് ലിമിറ്റഡിൽ അസിസ്റ്റന്റ് ഗ്രേഡ് 2 (കാറ്റഗറി നമ്പർ 599/2021) തസ്തികകളിലേക്ക് സാദ്ധ്യതാപട്ടിക പ്രസിദ്ധീകരിക്കും.
ഓൺലൈൻ/ഒ.എം.ആർ പരീക്ഷ നടത്തും
സാങ്കേതിക വിദ്യാഭ്യാസ വകുപ്പിനു കീഴിലെ എൻജിനിയറിംഗ് കോളേജുകളിൽ ഇൻസ്ട്രക്ടർ ഗ്രേഡ് 1 (കെമിക്കൽ എൻജിനിയറിംഗ്) (കാറ്റഗറി നമ്പർ 192/2020) തസ്തികയിലേക്ക് ഓൺലൈൻ/ഒ.എം.ആർ പരീക്ഷ നടത്തും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |