കോട്ടയം. കാരുണ്യത്തിന്റെ വറ്റാത്ത ഉറവയായിരുന്നു ബസേലിയോസ് മാര്ത്തോമ്മാ പൗലോസ് ദ്വിതീയന് ബാവായെന്ന് മന്ത്രി വി.എന്.വാസവന് പറഞ്ഞു. ബാവായുടെ ഒന്നാം ഓര്മ്മപ്പെരുന്നാളിനോടനുബന്ധിച്ച് നടന്ന അനുസ്മരണ സമ്മേളനം ഉദ്ഘാടനം ചെയ്യുകയായിരുന്ന അദ്ദേഹം. ബസേലിയോസ് മാര്ത്തോമ്മാ മാത്യൂസ് തൃതീയന് കാതോലിക്കാ ബാവാ അദ്ധ്യക്ഷത വഹിച്ചു. സഹോദരന് പദ്ധതിയുടെ ജീവകാരുണ്യ സഹായം മന്ത്രി വീണാ ജോര്ജ് നിര്വഹിച്ചു. ബിഷപ്പ് സെബാസ്റ്റ്യന് തെക്കേച്ചേരില്, ബിഷപ് ഉമ്മന് ജോര്ജ്, തിരുവഞ്ചൂര് രാധാകൃഷ്ണന് എം.എല്.എ, നഗരസഭാ അദ്ധ്യക്ഷ ബിന്സി സെബാസ്റ്റ്യന് എന്നിവര് അനുസ്മരണ പ്രഭാഷണം നടത്തി. വൈദികട്രസ്റ്റി ഫാ.ഡോ.എം.ഒ.ജോണ്, സെക്രട്ടറി അഡ്വ.ബിജു ഉമ്മന് തുടങ്ങിയവര് പങ്കെടുത്തു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |