SignIn
Kerala Kaumudi Online
Wednesday, 16 October 2019 11.26 PM IST

ബീഫ് വിളമ്പാൻ മടിച്ച ഇന്ത്യക്കാരനെ സൗദിയിൽ നിർബന്ധിപ്പിച്ച് ബീഫ് കഴിപ്പിച്ചതായി പരാതി,​ സംഭവത്തിൽ ഇടപെട്ട് വിദേശകാര്യ മന്ത്രി

beef-

ന്യൂഡൽഹി: ബീഫ് വിളമ്പാൻ വിസമ്മതിച്ച ജീവനക്കാരനെ സൗദി അറേബ്യയിൽ വച്ച് തൊഴിലുടമ നിർബന്ധിപ്പിച്ച് ബീഫ് കഴിപ്പിച്ചതായി ആരോപണം. ഇന്ത്യക്കാരനായ മാണിക് ചതോപാദ്ധ്യായ ആണ് തന്റെ ട്വിറ്റർ അക്കൗണ്ടിലൂടെ ആരോപണം ഉന്നയിച്ചത്. ജിദ്ദയിലെ ഒരു കമ്പനിയിൽ പാചകക്കാരനായാണ് താൻ എത്തിയതെന്ന് അദ്ദേഹം പറയുന്നു. ആദ്യം പാചകം ചെയ്യണമെന്നാണ് അറിയിച്ചതെന്നും എന്നാൽ ജോലിയിൽ കയറിയതിന് ശേഷം തന്നോട് ബീഫ് വിളമ്പി കൊടുക്കാൻ തൊഴിലുടമ ആവശ്യപ്പെട്ടതായും മാണിക് പറയുന്നു.


എന്നാൽ അത് തന്റെ മതവിശ്വാസത്തിന് എതിരാണെന്നാണ് താൻ തൊഴിലുടമയോട് പറഞ്ഞതെന്ന് മാണിക് പറയുന്നു. ഇതിൽ പ്രതിഷേധിച്ച തന്നെ നിർബന്ധപൂർവ്വം തീറ്റിച്ചതായാണ് അദ്ദേഹത്തിന്റെ ആരോപണം. ദയയില്ലാതെയാണ് പെരുമാറുന്നതെന്നും താൻ മാനസികമായി തളർന്നതായും അദ്ദേഹം പറയുന്നു.വിദേശകാര്യ മന്ത്രാലയം എത്രയും പെട്ടെന്ന് ഇടപെട്ട് തന്നെ ഇന്ത്യയിലേക്ക് തിരിച്ച് എത്തിക്കണമെന്നാണ് അദ്ദേഹത്തിന്റെ ആവശ്യം.



‘വളരെ ക്രൂരമായിട്ടാണ് തൊഴിലുടമ എന്നോട് പെരുമാറുന്നത്. വിശ്വാസത്തിന്റെ പേരിൽ തൊഴിലുടമ മറ്റുളളവരുടെ മുമ്പിൽ വെച്ച് എന്നെ അപമാനിച്ചു. എന്നെ നിർബന്ധിച്ച് ബീഫ് കഴിപ്പിച്ചപ്പോൾആരും ഇടപെട്ടില്ല. എന്നെ പോലെ പലരും ഇത് പോലെ ജിദ്ദയിൽ കഷ്ടത അനുഭവിക്കുന്നുണ്ട്,’ മാണിക് വീഡിയോയിൽപറയുന്നു.

മുംബയ് കേന്ദ്രമാക്കിയുളള ഒരു കമ്പനിയിലൂടെയാണ് ജിദ്ദയിൽ ജോലി ശരിയായത്. പുതുതായി ചുമതലയേറ്റ വിദേശകാര്യ മന്ത്രി ഡോ. എസ്. ജയ്ശങ്കറിന്റെ സഹായം മാണിക് ട്വിറ്ററിലൂടെ തേടി. യുവാവിനെ സഹായിക്കണമെന്ന് വിദേശകാര്യ മന്ത്രി റിയാദിലെ ഇന്ത്യൻ എംബസിയോട് ട്വിറ്ററിലൂടെ ആവശ്യപ്പെട്ടു. മാണിക്കിന് സഹായം നൽകുമെന്ന് ഇന്ത്യൻ എംബസി അധികൃതർ വിദേശകാര്യ മന്ത്രിയെ അറിയിച്ചിട്ടുണ്ട്.


JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, GULF, GULF NEWS, GULF
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.