കൊച്ചി: മന്ത്രി സ്ഥാനത്തിരുന്നുകൊണ്ട് കെ ടി ജലീൽ നടത്തിയ ദേശവിരുദ്ധ പ്രവർത്തനങ്ങളുടെ തെളിവുകൾ തന്റെ അഭിഭാഷകന് കൈമാറിയിട്ടുണ്ടെന്ന് സ്വർണക്കടത്ത് കേസ് പ്രതി സ്വപ്‌ന സുരേഷ്. സത്യവാങ്‌മൂലത്തിനൊപ്പം ഈ രേഖകൾ നാളെ കോടതിയിൽ ഫയൽ ചെയ്യുമെന്നും സ്വപ്‌ന വ്യക്തമാക്കി. മാദ്ധ്യമങ്ങളോട് സംസാരിക്കുകയായിരുന്നു അവർ.

സ്വർണക്കടത്ത് കേസിൽ മുഖ്യമന്ത്രിയടക്കമുള്ളവർ അന്വേഷണത്തിൽ ഇടപെടുന്നുണ്ടെന്ന് സ്വപ്‌ന സുരേഷ് പറഞ്ഞു. കേസ് മറ്റൊരു സംസ്ഥാനത്തേയ്ക്ക് മാറ്റുന്നത് പ്രതീക്ഷയ്ക്ക് വകനൽകുന്നു. മുഖ്യമന്ത്രി കേസുമായി ബന്ധപ്പെട്ട് ഭയപ്പെടുകയാണ്. സംവിധാനത്തെ ഉപയോഗിച്ച് കൃത്രിമത്വം കാണിക്കുകയാണ്. ഇഡിയിൽ ഇപ്പോൾ വിശ്വാസം തോന്നുന്നു. ഞാൻ പറയുന്നതിന് തെളിവുകളില്ല, കള്ളമാണെന്നാണ് അവർ പറയുന്നത്. എന്നാൽ നാളെ എല്ലാം തെളിയുമെന്ന് സ്വ‌പ്ന പറഞ്ഞു.