SignIn
Kerala Kaumudi Online
Monday, 03 October 2022 12.45 PM IST

ലോട്ടറി അടിച്ചാൽ സാധാരണയായി വരുന്ന ചില പാഴ്‌ച്ചെലവുകളുണ്ട്, ഒഴിവാക്കാൻ വഴിയുമുണ്ട്: ഓണം ബമ്പർ എടുക്കുന്നവർ അറിയാൻ

onam-bumper

തിരുവനന്തപുരം: ഒാണം ബമ്പറിലൂടെ ഭാഗ്യദേവത കടാക്ഷിക്കുന്നവർക്ക് ഭാഗക്കുറിവകുപ്പ് പണം സൂക്ഷിക്കാനുള്ള പരിശീലനം നൽകും. സമ്മാനത്തുക ആദായനികുതി കുറച്ചാണ് കൈമാറുക. 1,00,00 രൂപയ്ക്ക് മുകളിലുള്ള സമ്മാനത്തുക 30 ശതമാനം നികുതികുറച്ചേ കൈമാറൂ. 50 ലക്ഷത്തിന് മുകളിലുള്ള സമ്മാനതുകയ്ക്ക് സെസും സർച്ചാർജ്ജും കൂടി നൽകണം. ഇതൊന്നും ഭാഗ്യക്കുറിയടിച്ചവരോട് പറയുന്നില്ലെന്ന റിപ്പോർട്ടുകൾ ശരിയല്ലെന്ന് ഭാഗ്യക്കുറിവകുപ്പ് അറിയിച്ചു.

ഇത്തരം പരാതികളൊഴിവാക്കാനാണ് ഒാണം ബമ്പറിന് ശേഷം പരിശീലനവും ബോധവത്കരണവും നൽകുന്നത്. ലോട്ടറിയടിക്കുന്നവരെ പ്രലോഭിപ്പിക്കുള്ള പാഴ്‌ച്ചെലവുകൾ, അതിനെതിരെ പുലർത്തേണ്ട ജാഗ്രത, പണം സുരക്ഷിതമായി നിക്ഷേപിക്കാനുള്ള മാർഗം, വരുമാനം കൃത്യമായികിട്ടുന്ന നിക്ഷേപപദ്ധതികൾ തുടങ്ങിയവയാകും ക്ളാസിലൂടെ പരിചയപ്പെടുത്തുക.

ചരിത്രമായി ഓണം ബമ്പർ

25 കോടിയുടെ ഇത്തവണത്തെ ഒാണം ബമ്പറിന്റെ 10 ലക്ഷം ടിക്കറ്റാണ് ഇതുവരെ വിറ്റത്. 500 രൂപയുടെ 30 ലക്ഷം ടിക്കറ്റാണ് ആദ്യഘട്ടത്തിൽ അടിച്ചത്. രണ്ടാം സമ്മാനമായി അഞ്ചുകോടിയും മൂന്നാം സമ്മാനം 10 പരമ്പരകളിലായി ഓരോ കോടി രൂപ വീതവുമാണ് നൽകുന്നത്. നാലാം സമ്മാനം ഒരു ലക്ഷം വീതം 90പേർക്ക്. അഞ്ചാം സമ്മാനം 5000 രൂപ വീതം 72,000പേർക്ക്. കൂടാതെ 3000 രൂപയുടെ 48,600 സമ്മാനങ്ങളും 2000 രൂപയുടെ 66,600 സമ്മാനങ്ങളും 1000 രൂപയുടെ 2,10,600 സമ്മാനങ്ങളും നൽകും. സുരക്ഷാ കാരണങ്ങളാൽ ഇത്തവണ ഫ്ളൂറസെന്റ് മഷിയിലാണ് ഓണം ബമ്പർ അച്ചടിക്കുന്നത്. കഴിഞ്ഞ വർഷം 54 ലക്ഷം ടിക്കറ്റാണ് വിറ്റത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: ONAMBUMPER, KERALA LOTTERIES, FINANCE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.