ഹരിപ്പാട് ഒരു സ്ഥാപനത്തിന്റെ ഉദ്ഘാടന ചടങ്ങിനെത്തിയ മെഗാസ്റ്റാർ മമ്മൂട്ടിയുടെ വീഡിയോ സോഷ്യൽ മീഡിയയിൽ വൈറലാകുന്നു. മൂന്ന് പോക്കറ്റുള്ള ഷർട്ടും മഞ്ഞ ഷൂവും ധരിച്ച് സ്റ്റൈലിഷ് ലുക്കിലാണ് താരം ചടങ്ങിനെത്തിയത്.
' ഇത്രയും ആളുകളെ ഒന്നിച്ചുകാണാൻ കിട്ടുന്നത് ഭയങ്കര സന്തോഷമാണ്. നിങ്ങളെ കാണുമ്പോൾ എനിക്കും സന്തോഷം, എന്നെക്കാണുമ്പോൾ നിങ്ങൾക്കും സന്തോഷം. ഈ സന്തോഷം പങ്കിടുന്ന നിമിഷത്തിൽ ഒന്നോർക്കാം, ഈ സ്ഥാപനം നന്നായി വരട്ടെ.'- മമ്മൂട്ടി പറഞ്ഞു.
ആലപ്പുഴ എംപി എ എം ആരിഫ്, ഹരിപ്പാട് എം എൽഎ രമേശ് ചെന്നിത്തല എന്നിവരും ചടങ്ങിനെത്തിയിരുന്നു. പരിപാടിക്കിടെ മമ്മൂട്ടിയുമായുള്ള ബന്ധത്തെക്കുറിച്ച് രമേശ് ചെന്നിത്തല വെളിപ്പെടുത്തി. 'ഞാൻ ഇദ്ദേഹത്തെ ഈ മണ്ണിലേക്ക് സ്വാഗതം ചെയ്യുകയാണ്. എന്റെ മകന്റെ വിവാഹം ഒരമ്മാവന്റെ സ്ഥാനത്തുനിന്ന് നടത്തി തന്ന ആളാണ് മമ്മൂട്ടി. വളരെ വ്യക്തിപരമായി വർഷങ്ങളുടെ ആത്മബന്ധമാണ് ഞങ്ങൾ തമ്മിലുള്ളത്.'- അദ്ദേഹം പറഞ്ഞു.
മമ്മൂട്ടിയെ കാണാൻ നൂറ് കണക്കിനാളുകളാണ് സ്ഥലത്തെത്തിയത്. ഇതോടെ ഗതാഗതം സ്തംഭിച്ചു. തുടർന്ന് ജനങ്ങളെ നിയന്ത്രിക്കാൻ മമ്മൂട്ടിക്ക് തന്നെ ഇടപെടേണ്ടി വന്നു. 'ഇത്രയും നേരം നമ്മൾ റോഡ് ബ്ലോക്ക് ചെയ്ത് നിർത്തിയേക്കുകയാണ്. അതുകൊണ്ട് വേഗം ഈ പരിപാടി തീർത്ത് പോയാലേ ഒരുപാട് അത്യാവശ്യക്കാർക്ക് പോകാനാകൂ. നമ്മൾ സന്തോഷിക്കുന്നവരായിരിക്കും. പക്ഷേ അവർ ഒരുപാട് ആവശ്യമുള്ളവരായിരിക്കും.അതുകൊണ്ട് ഞാൻ ഈ പരിപാടി തീർത്ത് വേഗം പോകുകയാണ്. നിങ്ങളെ വീണ്ടും കാണാം.'- മമ്മൂട്ടി പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |
Lorem ipsum dolor sit amet consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. |
We respect your privacy. Your information is safe and will never be shared. |