മറു രാജ്യത്തിലുള്ളവർക്ക് പോമെലോ പഴമാണെങ്കിൽ നമ്മൾ മലയാളിക്കിത് ബബ്ലൂസ് നാരങ്ങയാണ്. തെക്കു കിഴക്കൻ ഏഷ്യയിൽ കാണപ്പെടുന്ന ബബ്ലൂസ് നാരങ്ങ സിട്രസ് ഇനത്തിൽപ്പെട്ടവയാണ്. നമ്മൾ മലയാളികൾ അച്ചാറിടാനാണ് ഇവ ഉപയോഗിക്കുന്നത്. ഇളം പച്ച അല്ലെങ്കിൽ മഞ്ഞ നിറത്തിലാണ് ഇവ കാണപ്പെടുന്നത്. വിറ്റമിൻ സി,​ പൊട്ടാസ്യം,​ നാരുകൾ,​ വിറ്റമിൻ ബി 6, മഗ്നീഷ്യം തുങ്ങിയവ ബബ്ലൂസ് നാരങ്ങയിൽ ധാരാളമായി അടങ്ങിയിട്ടുണ്ട്.

ആരോഗ്യ ഗുണങ്ങൾ

വിറ്റമിൻ സി: വിറ്റമിൻ സി ധാരാളമായി അടങ്ങിയിട്ടുള്ളതിനാൽ രോഗപ്രതിരോധശേഷി വർദ്ധിപ്പിക്കാൻ ഇവ സഹായിക്കുന്നു. കൂടാതെ ച‌ർമ്മത്തിന്റെ ആരോഗ്യത്തിനും ബബ്ലൂസ് നാരങ്ങ നല്ലതാണ്.

ആന്റിഓക്സിഡന്റ്: ആന്റിഓക്സിഡന്റുകൾ അടങ്ങിയിട്ടുള്ളതിനാൽ ശരീരത്തിൽ ഉണ്ടാവുന്ന ഫ്രീ റാഡിക്കലുകളെ ഒഴിവാക്കി രോഗപ്രതിരോധശേഷി വർദ്ധിപ്പിക്കാൻ സഹായിക്കുന്നു.

ദഹനം: നാരുകൾ ധാരാളം അടങ്ങിയിട്ടുള്ളതിനാൽ ദഹനം മെച്ചപ്പെടുത്താനും മലബന്ധം പോലുള്ള പ്രശ്നങ്ങൾ ഇല്ലാതാക്കാനും ബബ്ലൂസ് നാരങ്ങ കഴിക്കുന്നതിലൂടെ കഴിയുന്നു.

രക്തസമ്മർദ്ദം: പോട്ടാസ്യം അടങ്ങിയിട്ടുള്ളതിനാൽ രക്തസമ്മ‌ർദ്ദം നിയന്ത്രിക്കാൻ ബബ്ലൂസ് നാരങ്ങ സഹായിക്കുന്നു.

കൂടാതെ, ശരീര ഭാരം കുറയ്ക്കാനും,​ ദന്തരോഗത്തിനും,​ മുടി സംരക്ഷണത്തിനും,​ അസ്ഥിരോഗത്തിനുമെല്ലാം തന്നെ ബബ്ലൂസ് നാരങ്ങ നല്ലതാണ്.