കുടവയർ കൂടുന്നുണ്ടോ,​ അടുക്കളയിലെ ഈ ഇത്തിരിക്കുഞ്ഞനിലുണ്ട് ഇതിന് പരിഹാരം

തടിയും കുടവയറും കാരണം ഇഷ്ടപ്പെട്ട ഡ്രസ് ധരിക്കാൻ മടിക്കുന്ന നമ്മളിൽ പലരും പല മാർഗങ്ങളും സ്വീകരിക്കുന്നവരാണ്. അതായത് ഭക്ഷണം കഴിക്കാതെയും, കഠിനമേറിയ വ്യായാമങ്ങൾ ചെയ്തും, പല മരുന്നുകൾ പരീക്ഷിച്ചും അത് പിന്നീട് വിനയായും മറാറുണ്ട്. ഇതിന് ഏറ്റവും നല്ല മാർഗ്ഗം നിങ്ങളുടെ ദിനചര്യയിൽ പെരുംജീരക വെള്ളം ചേർക്കുക എന്നതാണ്. പെരുംജീരക വെള്ളം ദിവസത്തിൽ ഏത് സമയത്ത് വേണമെങ്കിലും കുടിക്കാം.

പെരുംജീരക വെള്ളം കുടവയർ കുറയ്ക്കാൻ എങ്ങനെയാണ് സഹായിക്കുന്നത് എന്ന് നോക്കാം.

• മെറ്റബോളിസം വേഗത്തിലാക്കുന്നു
• വിശപ്പ് കുറയ്ക്കുന്നു
• ശരീരത്തെ വിഷമുക്തമാക്കുന്നു
• ശരീരത്തിലെ കൊഴുപ്പ് അകറ്റുന്നു
• അമിതവണ്ണം കുറയ്ക്കാൻ ഒരു പരിധിവരെ സഹായിക്കുന്നു

എങ്ങനെ ഇത് തയ്യാറാക്കാം

രണ്ട് ചേരുവകളാണ് ഇത് ഉണ്ടാക്കാൻ ആവശ്യമായി വരുന്നത്, പെരുംജീരകവും, വെള്ളവും. 1-2 ടീസ്പൂൺ പെരുംജീരകം എടുത്ത് ഒരു ഗ്ലാസ്സ് പച്ചവെള്ളത്തിൽ ചേർക്കുക. അത് നന്നായി ഇളക്കിയതിന് ശേഷം ഒരു രാത്രി മുഴുവൻ ഇരിക്കാൻ അനുവദിക്കുക, ഇത് മൂടിവെച്ചിട്ടുണ്ടെന്ന് ഉറപ്പാക്കുക. പിറ്റേന്ന് രാവിലെ, വെറും വയറ്റിൽ കുടിക്കുന്നതാണ് ഉത്തമം.