തിരുവനന്തപുരം: പോളിടെക്നിക് ഡിപ്ലോമ പ്രവേശനത്തിന് ഓൺലൈൻ അപേക്ഷ നൽകാനുള്ള തീയതി ആഗസ്റ്റ് 16 വരെ നീട്ടി. കൂടുതൽ വിവരങ്ങൾ www.polyadmission.org വെബ്സൈറ്റിൽ.
ബി.എഫ്.എ പ്രവേശനം
തിരുവനന്തപുരം: സാങ്കേതിക വിദ്യാഭ്യാസ വകുപ്പിന് കീഴിൽ പ്രവർത്തിക്കുന്ന മാവേലിക്കര, തിരുവനന്തപുരം, തൃശൂർഫൈൻ ആർട്സ് കോളേജുകളിലെ ബി.എഫ്.എ ഡിഗ്രി കോഴ്സിലേക്കുള്ള പ്രവേശന പരീക്ഷ 13ന് നടത്തും.അപേക്ഷകർക്ക് ഹാൾടിക്കറ്റുകൾ admissions.dtekerala.gov.in വെബ്സൈറ്റിൽ നിന്ന് ഡൗൺലോഡ് ചെയ്യാം.
ഇന്റർവ്യൂ മാറ്റി
തിരുവനന്തപുരം : പൂജപ്പുര സർക്കാർ ആയുർവേദ കോളേജ് സ്ത്രീകളുടെയും കുട്ടികളുടെയും ആശുപത്രിയിൽ എമർജൻസി മെഡിക്കൽ ഓഫീസർ (അലോപ്പതി) തസ്തികയിലേക്കുള്ള കരാർ നിയമനത്തിനായി 9ന് നടത്താനിരുന്ന വാക് ഇൻ ഇന്റർവ്യൂ 10ന് രാവിലെ 11ന് നടത്തുമെന്ന് കോളേജ് പ്രിൻസിപ്പൽ അറിയിച്ചു.
എൻജിനിയറിംഗ് റാങ്ക്
യോഗ്യതാ പരീക്ഷാ മാർക്ക് നൽകണം
തിരുവനന്തപുരം: എൻജിനിയറിംഗ് എൻട്രൻസ് റാങ്ക് ലിസ്റ്റ് തയ്യാറാക്കാൻ, യോഗ്യതാ പരീക്ഷയുടെ (പ്ലസ്ടു, തത്തുല്യം) മാത്തമാറ്റിക്സ്, ഫിസിക്സ്, കെമിസ്ട്രി വിഷയങ്ങൾക്ക് ലഭിച്ച മാർക്ക് www.cee.kerala.gov.in വെബ്സൈറ്റിൽ 11ന് വൈകിട്ട് മൂന്നുവരെ അപ്ലോഡ് ചെയ്യാം. യോഗ്യതാ പരീക്ഷയുടെ മാർക്ക് നൽകാത്തവരെ റാങ്ക് ലിസ്റ്റിൽ ഉൾപ്പെടുത്തില്ല. ഹെൽപ്പ് ലൈൻ: 04712 525300
ഡി.ആർ.ഡി.ഒ
36 അപ്രൈസന്റുമാരെ നിയമിക്കും
ന്യൂഡൽഹി: ഡിഫൻസ് റിസർച്ച് ആൻഡ് ഡെവലപ്പ്മെന്റ് ഒാർഗനൈസേഷൻ (ഡി.ആർ.ഡി.ഒ) 36 അപ്രൈസന്റ് തസ്തികകളിൽ നിയമനം നടത്തും. 2019-22 വർഷങ്ങളിൽ ബിരുദം നേടിയവർക്ക് അപേക്ഷിക്കാം. അതേ സമയം പി.ജി യോഗ്യതയുള്ളവർ അപേക്ഷിക്കേണ്ടതില്ല. വിശദവിവരങ്ങൾ ഡി.ആർ.ഡി.ഒയുടെ ഒൗദ്യോഗിക വെബ്സൈറ്റായ drdo.gov.inൽ. യോഗ്യതയുടെ അടിസ്ഥാനത്തിൽ ഉദ്യോഗാർത്ഥികളെ ഷോർട്ട് ലിസ്റ്റ് ചെയ്യും. തിരഞ്ഞെടുക്കപ്പെട്ടവർ മെഡിക്കൽ ഫിറ്റ്നസ് സർട്ടിഫിക്കറ്റ് സമർപ്പിക്കണം. അപേക്ഷയുടെ സ്കാൻ ചെയ്ത കോപ്പിയും രേഖകളും പി.ഡി.എഫ് രൂപത്തിൽ director.dl@gov.in എന്ന ഇമെയിലിലേക്ക് അയക്കണം. അവസാന തീയതി ആഗസ്റ്റ് 16.
സി.ബി.എസ്.ഇയിൽ
ജോയിന്റ് സെക്രട്ടറിയാകാം
ന്യൂഡൽഹി: സെൻട്രൽ ബോർഡ് ഒഫ് സെക്കൻഡറി എഡ്യുക്കേഷൻ (സി.ബി.എസ്.ഇ) യിൽ ജോയിന്റ് സെക്രട്ടറിമാരുൾപ്പെടെ പത്ത് തസ്തികകളിൽ അപേക്ഷ ക്ഷണിച്ചു. ജോയിന്റ് സെക്രട്ടറി (4), അഡീഷൽ ഇന്റേണൽ ഓഡിറ്റർ ആൻഡ് ഫൈനാൻഷ്യൽ അഡ്വൈസർ (2), സീനിയർ അക്കൗണ്ട്സ് ഓഫീസർ (1), അക്കൗണ്ട്സ് ഓഫീസർ (3) എന്നീ തസ്തികകളാണ്. യോഗ്യതയുടെയും പ്രവൃത്തിപരിചയത്തിന്റെയും അടിസ്ഥാനത്തിൽ ഷോർട്ട് ലിസ്റ്റ് തയ്യാറാക്കും. ഷോർട്ട് ലിസ്റ്റ് ചെയ്യപ്പെട്ട ഉദ്യോഗാർത്ഥികൾ അഭിമുഖത്തിനെത്തുമ്പോൾ വിദ്യാഭ്യാസ, പ്രവൃത്തി പരിചയരേഖകളും അതാത് വകുപ്പിൽ നിന്നുള്ള എൻ.ഒ.സിയും സമർപ്പിക്കണം. സി.ബി.എസ്.ഇയുടെ ഒൗദ്യോഗിക വെബ്സൈറ്റായ cbse.gov.inൽ വിശദവിവരങ്ങൾ ലഭിക്കും.
അസി. പ്രൊഫസർ ഒഴിവ്
തിരുവനന്തപുരം: തിരുവനന്തപുരം കോളേജ് ഒഫ് എൻജിനിയറിംഗിലെ (സി.ഇ.ടി) കമ്പ്യൂട്ടർ സയൻസ് ആൻഡ് എൻജിനിയറിംഗ് വിഭാഗത്തിൽ അഡ്ഹോക്ക് അസി. പ്രൊഫസർമാരെ നിയമിക്കും. കമ്പ്യൂട്ടർ സയൻസ് ആൻഡ് എൻജിനിയറിംഗ്/ ഇൻഫർമേഷൻ ടെക്നോളജി, തത്തുല്യ വിഷയങ്ങളിലെ ബി.ഇ/ബി.ടെക്, എം.ഇ/എം.ടെക് (ഏതെങ്കിലും ഒരു യോഗ്യത ഫസ്റ്റ് ക്ലാസിൽ പാസായിരിക്കണം) ബിരുദമുള്ളവർക്ക് അപേക്ഷിക്കാം. താത്പര്യമുള്ളവർ 10ന് രാവിലെ 9.30ന് മുമ്പായി കമ്പ്യൂട്ടർ സയൻസ് വിഭാഗത്തിൽ ബയോഡേറ്റ, അസൽ സർട്ടിഫിക്കറ്റുകൾ എന്നിവ സഹിതമെത്തണം. ഫോൺ: 0471 5215561
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |