പെരിന്തൽമണ്ണ: 4.8 ഗ്രാം എം.ഡി.എം.എയുമായി പെരിന്തൽമണ്ണ പുലാമന്തോൾ പാലൂർ സ്വദേശി കുളങ്ങരകാട്ടിൽ സലീൽ ഉമ്മറിനെ(24) പൊലീസ് അറസ്റ്റ് ചെയ്തു.
ശനിയാഴ്ച രാത്രി പതിനൊന്നോടെ തുവ്വുർ റെയിൽവേ സ്റ്റേഷൻ പരിസരത്ത് വച്ചായിരുന്നു അറസ്റ്റ്. ബാംഗ്ളൂരിൽ നിന്നാണ് മാരക ശേഷിയുള്ള മയക്കുമരുന്നായ എം.ഡി.എം.എ കൊണ്ടുവന്നത്.

കരുവാരക്കുണ്ട്
ഇൻസ്‌പെക്ടർ സി.കെ നാസർ, എസ്.ഐമാരായ രവികുമാർ, മനോജ്, പെരിന്തൽമണ്ണ പൊലീസ് സ്റ്റേഷനിലെ ജൂനിയർ എസ്.ഐ ശൈലേഷ്, സി.പി.ഒമാരായ സനൂജ്, റിയാസ്, അജേഷ്, മലപ്പുറം ജില്ലാ ആന്റി നാർക്കോട്ടിക്സ് സ്‌പെഷ്യൽ സ്ക്വാഡിലെ ഉദ്യോഗസ്ഥർ എന്നിവരാണ് പ്രതിയെ പിടികൂടിയത്.