തിരുവനന്തപുരം: കേരള മീഡിയ അക്കാഡമിയുടെ ഇൻസ്റ്റിറ്റ്യൂട്ട് ഒഫ് കമ്യൂണിക്കേഷൻ നടത്തുന്ന ജേർണലിസം ആൻഡ് കമ്യൂണിക്കേഷൻ, ടെലിവിഷൻ ജേർണലിസം, പബ്ലിക് റിലേഷൻസ് ആൻഡ് അഡ്വർടൈസിംഗ് പോസ്റ്റ്ഗ്രാജ്വേറ്റ് ഡിപ്ലോമ കോഴ്സുകളിലേക്ക് ബിരുദധാരികൾക്കും ഫലം കാത്തിരിക്കുന്നവർക്കും അപേക്ഷിക്കാം. 31.5.2022 ൽ 28 വയസ് കവിയരുത്. പട്ടികജാതി, പട്ടികവർഗ, ഒ.ഇ.സി വിഭാഗക്കാർക്ക് നിയമാനുസൃത വയസിളവും ഫീസിളവുമുണ്ടാകും. അഭിരുചി പരീക്ഷയുടെയും ഇന്റർവ്യൂവിന്റെയും അടിസ്ഥാനത്തിലാണ് പ്രവേശനം. പ്രവേശനപരീക്ഷ ഓൺലൈനായിരിക്കും. പ്രിന്റ് ജേർണലിസം, റേഡിയോ, ഓൺലൈൻ, സോഷ്യൽ മീഡിയ, ബ്രോഡ്കാസ്റ്റ് ജേർണലിസം, മൊബൈൽ ജേർണലിസം തുടങ്ങിയ മേഖലകളിൽ പരിശീലനം നൽകും. കോഴ്സിന്റെ ദൈർഘ്യം ഒരുവർഷമാണ്. അപേക്ഷാഫീസ് 300 രൂപ (പട്ടികജാതി, പട്ടികവർഗ, ഒ.ഇ.സി വിഭാഗക്കാർക്ക് 150 രൂപ) ഇ ട്രാൻസ്ഫർ/ ജിപേ/ ബാങ്ക് മുഖേന അടച്ച രേഖ ഉൾപ്പെടെയുള്ള അപേക്ഷ 10നകം ലഭിക്കണം. ഫോൺ: 0484 2422275. ഇമെയിൽ:kmaadmission2022@gmail.com.
വീഡിയോ എഡിറ്റിംഗ്
കോഴ്സിന് അപേക്ഷിക്കാം
തിരുവനന്തപുരം: കേരള മീഡിയ അക്കാഡമി തിരുവനന്തപുരം ശാസ്തമംഗലം സെന്ററിൽ തുടങ്ങുന്ന വീഡിയോ എഡിറ്റിംഗ് സർട്ടിഫിക്കറ്റ് കോഴ്സിന് അപേക്ഷിക്കാം. ആറുമാസമാണ് കോഴ്സ് കാലാവധി. 30 പേർക്കാണ് പ്രവേശനം. സർക്കാർ അംഗീകൃത കോഴ്സിന് 30,000 രൂപയാണ് ഫീസ്. പട്ടികജാതി-പട്ടികവർഗ-ഒ.ഇ.സി വിദ്യാർത്ഥികൾക്ക് ഫീസ് ആനുകൂല്യവും വയസിളവും ഉണ്ടായിരിക്കും. യോഗ്യത പ്ലസ്ടു.ജൂലായ് 31ന് 30 വയസ്സ് കവിയരുത്. അപേക്ഷ ഫോറം keralamediaacademy.org ൽ. അപേക്ഷയോടൊപ്പം സർട്ടിഫിക്കറ്റുകളുടെ പകർപ്പും വേണം. അപേക്ഷാഫീസ് സെക്രട്ടറി, കേരള മീഡിയ അക്കാഡമി, കാക്കനാട് എന്ന പേരിൽ എറണാകുളം സർവീസ് ബ്രാഞ്ചിൽ മാറാവുന്ന 300 രൂപയുടെ (എസ്.സി-എസ്.ടി, ഒ.ഇ.സി വിഭാഗക്കാർക്ക് 150 രൂപ) ഡിഡി ആയോ, അക്കാഡമി ബാങ്ക് അക്കൗണ്ടിലേക്ക് (സെക്രട്ടറി, അക്കൗണ്ട് നം.67324621151, ഐ.എഫ്.എസി SBIN0070339) ഇ-ട്രാൻസ്ഫറായോ അടയ്ക്കാം. ഇങ്ങനെ ഫീസ് അടയ്ക്കുന്നവർ ട്രാൻസ്ഫർ സ്ലിപ് അല്ലെങ്കിൽ യു.പി.ഐ നമ്പർ അടക്കമുള്ള സ്ക്രീൻഷോട്ടും നൽകണം. അവസാന തിയതി ആഗസ്റ്റ് 20. ഫോൺ: 0484 2422275, 04712726275, 9400048282
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |