SignIn
Kerala Kaumudi Online
Friday, 07 October 2022 2.03 PM IST

കോടതി മാറ്റത്തെ എതിർത്ത് അതിജീവിത ഹൈക്കോടതിയിൽ

dileep-case

കൊച്ചി: യുവനടിയെ ആക്രമിച്ച് അശ്ളീലദൃശ്യം പകർത്തിയ കേസിന്റെ വിചാരണ എറണാകുളം പ്രിൻസിപ്പൽ സെഷൻസ് കോടതിയിലേക്ക് മാറ്റിയതിനെതിരെ അതിജീവിത ഹൈക്കോടതിയിൽ ഹർജി നൽകി. ജസ്റ്റിസ് ഡോ. കൗസർ എടപ്പഗത്ത് ദിലീപ് ഉൾപ്പെടെയുള്ള പ്രതികൾക്കും സർക്കാരിനും നോട്ടീസ് നൽകാൻ നിർദ്ദേശിച്ചു. ഹർജി ആഗസ്റ്റ് 19ന് വീണ്ടും പരിഗണിക്കും.

എറണാകുളം സ്പെഷ്യൽ അഡി. സെഷൻസ് കോടതിയിലെ വിചാരണ ഹൈക്കോടതിയുടെ ഉത്തരവില്ലാതെ പ്രിൻസിപ്പൽ സെഷൻസ് കോടതിയിലേക്ക് മാറ്റിയത് നിയമവിരുദ്ധമാണെന്നാണ് അതിജീവിതയുടെ വാദം.

വനിതാജഡ്‌ജി വിചാരണ നടത്തണമെന്ന അതിജീവിതയുടെ ആവശ്യം പരിഗണിച്ച് പ്രിൻസിപ്പൽ സെഷൻസ് കോടതിയിലുണ്ടായിരുന്ന കേസ് സ്പെഷ്യൽ അഡി. സെഷൻസ് കോടതിയിലേക്ക് മാറ്റാൻ 2019 ഫെബ്രുവരി 25 നാണ് ഹൈക്കോടതി വിധിപറഞ്ഞത്. അങ്ങനെ മാറ്റിയ കേസ് ഹൈക്കോടതി ഭരണവിഭാഗത്തിന്റെ ഓഫീസ് മെമ്മോറാണ്ടത്തിന്റെ ബലത്തിൽ മറ്റൊരു കോടതിയിലേക്ക് മാറ്റാനാവില്ലെന്നാണ് അതിജീവിതയുടെ വാദം. ക്രിമിനൽ നടപടിച്ചട്ടത്തിലെ സെക്ഷൻ 407 പ്രകാരം ഹൈക്കോടതി ഇടപെടണമെന്നും ഹർജിക്കാരി ആവശ്യപ്പെടുന്നു. കോടതിമാറ്റത്തെ എതിർത്ത് അതിജീവിതയും പ്രോസിക്യൂഷനും പ്രിൻസിപ്പൽ സെഷൻസ് കോടതിയിലും ഹർജി നൽകിയിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DILEEP CASE
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.