SignIn
Kerala Kaumudi Online
Thursday, 29 September 2022 3.32 AM IST

എഴുപത്തിമൂന്നുകാരനായ വ്യവസായിയെ ഹണിട്രാപ്പിൽ കുടുക്കി തട്ടിയത് ലക്ഷങ്ങൾ; യുവ നടൻ അറസ്റ്റിൽ, പെൺസുഹൃത്തുക്കൾക്കെതിരെയും കേസെടുത്തു

honey-trap

ബംഗളൂരു: വ്യവസായിയെ ഹണിട്രാപ്പിൽ കുടുക്കി പണം തട്ടിയ കേസിൽ യുവ നടൻ അറസ്റ്റിൽ. ജെ പി നഗർ സ്വദേശിയായ യുവരാജാണ് അറസ്റ്റിലായത്. കേസിൽ ഇയാളുടെ സുഹൃത്തുക്കളായ കാവന, നിധി എന്നിവർക്കെതിരെയും പൊലീസ് കേസെടുത്തു.


എഴുപത്തിമൂന്നുകാരനായ വ്യവസായി നാല് വർഷം മുമ്പാണ് കാവനയെ പരിചയപ്പെട്ടത്. ഇരുവരും തമ്മിൽ ചാറ്റ് ചെയ്യാറുണ്ടായിരുന്നു. കഴിഞ്ഞ മാസം കാവനയാണ് വ്യവസായിക്ക് നിധിയെ പരിചയപ്പെടുത്തിയത്. തുടർന്ന് വ്യവസായി ഇരുയുവതികളുമായും അശ്ലീല സന്ദേശങ്ങൾ കൈമാറി.

ഓഗസ്റ്റ് മൂന്നിന് കാണാമെന്ന് ഒരു യുവതി വ്യവസായിയെ അറിയിക്കുകയായിരുന്നു. ഇതുപ്രകാരം സ്ഥലത്ത് എത്തിയ എഴുപത്തിമൂന്നുകാരനെ മൂന്ന് പേർ ബലമായി കാറിൽ കയറ്റുകയും പൊലീസാണെന്ന് അറിയിക്കുകയും ചെയ്തു. അശ്ലീല സന്ദേശങ്ങൾ അയച്ചതിന് യുവതികൾ പരാതി നൽകിയിട്ടുണ്ടെന്നും പറഞ്ഞു.

പണം നൽകിയാൽ കേസ് ഒതുക്കി തീർക്കാമെന്ന് പറഞ്ഞപ്പോൾ 3.40 ലക്ഷം രൂപ നൽകി. ചാറ്റുകൾ ബന്ധുക്കൾക്ക് അയച്ചുകൊടുക്കുമെന്ന് ഭീഷണിപ്പെടുത്തിയതോടെ അഞ്ച് ലക്ഷം രൂപ വീണ്ടും നൽകി. പിന്നെയും പണം ആവശ്യപ്പെട്ടതോടെയാണ് വ്യവസായി പൊലീസിൽ പരാതി നൽകിയത്. തുടർന്ന് നടത്തിയ അന്വേഷണത്തിൽ യുവരാജാണ് മുഖ്യ ആസൂത്രകനെന്ന് കണ്ടെത്തി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, HONEY TRAP, BUSINESS MAN, ACTOR YUVARAJ, ARREST, POLICE
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.