SignIn
Kerala Kaumudi Online
Friday, 27 January 2023 1.51 PM IST

ജൈവകൃഷി​യുടെ അറി​വുകൾ പകർന്ന് കാർഷി​ക സെമി​നാർ

pp
കേരളകൗമുദി കാർഷിക ഗ്രാമം രണ്ടാം ഘട്ട പ്രവർത്തനോദ്ഘാടന കർഷക സെമിനാറിൽ പങ്കെടുത്തവർക്ക് പ്രമുഖ കർഷകനും ആയൂർ ജാക്ക് പ്ളാവുകളുടെ പ്രചാരകനുമായ വർഗീസ് തരകൻ പ്ളാവുംതൈ വിതരണം ചെയ്യുന്നു

കൊച്ചി: കേരളകൗമുദി കാർഷിക ഗ്രാമം പദ്ധതിയുടെ രണ്ടാംഘട്ട പ്രവർത്തനോദ്ഘാടനത്തിന്റെ ഭാഗമായി സംഘടിപ്പിച്ച കാർഷിക സെമിനാർ പറവൂരിൽ ആവേശമായി. കേരളകൗമുദിയും എസ്.എൻ.ഡി.പി.യോഗം പറവൂർ യൂണിയനും സംയുക്തമായി സംഘടിപ്പിച്ച പരിപാടിയിൽ ഇരുന്നൂറോളം പേർ പങ്കെടുത്തു.

രാവി​ലെ പതിനൊന്നിന് വൈദ്യുതി മന്ത്രി കെ. കൃഷ്ണൻകുട്ടി ഉദ്ഘാടനം നിർവഹിച്ചു . കാർഷികമേഖലയിലെ സമഗ്ര മുന്നേറ്റങ്ങളും പ്രതി​സന്ധി​കളും വിവരിച്ചും നർമ്മം കലർത്തിയും കർഷകൻ കൂടി​യായ മന്ത്രി നടത്തിയ പ്രസംഗം സദസിൽ ചിരിപടർത്തി. കാർഷികമേഖലയിലും മറ്റ് വിവിധ മേഖലകളിലും മികവ് പുലർത്തിയവർക്ക് മന്ത്രി പുരസ്‌കാരങ്ങൾ വിതരണം ചെയ്തു. പുരസ്‌കാരങ്ങൾ ഏറ്റുവാങ്ങാനെത്തിയവരോടും കാര്യങ്ങൾ തിരക്കി നിർദേശങ്ങൾ നൽകിയതിനു ശേഷമാണ് മന്ത്രി വേദിവിട്ടത്.
പുരസ്‌കാര വിതരണത്തിനു ശേഷം ഓരോ വീട്ടിലും കൃഷിയിടമെന്ന ലക്ഷ്യത്തോടെ പച്ചക്കറി വിത്തുകളുടെ 500ലേറെ കിറ്റുകളും ആയുർജാക്ക് പ്ലാവിൻ തൈകളും വിതരണം ചെയ്തു. സംസ്ഥാന സർക്കാരാണ് പച്ചക്കറി വിത്തുകൾ ലഭ്യമാക്കിയത്. തുടർന്ന് എസ്.പി.സി ചെയർമാൻ എൻ.ആർ. ജയ്‌മോൻ, എസ്.പി.സി സി.ഇ.ഒ മിഥുൻ പി. പുല്ലുമേട്ടിൽ തുടങ്ങിയവർ പഠന ക്ലാസുകൾ നയിച്ചു. സംശയങ്ങൾക്ക് മറുപടിയും​ നൽകി​.

ജൈവകൃഷി​യുടെ സാദ്ധ്യതകളെക്കുറി​ച്ചും പ്രത്യേകതകളെക്കുറി​ച്ചുമുള്ള ക്ളാസുകൾ കാർഷി​കമേഖലയി​ലെ പുതി​യ പരി​ണാമങ്ങളെക്കുറി​ച്ചുള്ള വി​വരങ്ങൾ കർഷകരി​ലേക്കും സാധാരണക്കാരി​ലേക്കും പകർന്നു. പ്ളാവി​നെയും ചക്കയെയും കുറി​ച്ച് ആയുർജാക്ക് പ്രചാരകനായ വർഗീസ് തരകന്റെ വി​ശദീകരണങ്ങളും പ്രതി​നി​ധി​കൾക്ക് കൗതുകമായി​.

പരിപാടിയോടനുബന്ധിച്ച് എസ്.പി.സി സംഘടിപ്പിക്കുന്ന സൗജന്യ മണ്ണ് പരിശോധനയ്ക്കുള്ള രജിസ്‌ട്രേഷനും ഇവിടെ നടന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: LOCAL NEWS, ERNAKULAM, AGGRIRISSEMINAR
KERALA KAUMUDI EPAPER
TRENDING IN LOCAL
VIDEOS
PHOTO GALLERY
TRENDING IN LOCAL
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.