തൃപ്രയാർ: സി.പി.ഐ ജില്ലാ സമ്മേളനത്തിന്റെ ഭാഗമായുള്ള പൊതുസമ്മേളന നഗരിയിൽ കാർഷിക കാർഷികേതര വിഭവങ്ങളുടെ എക്സിബിഷൻ ജില്ലാ സെക്രട്ടറി കെ.കെ.വത്സരാജ് ഉദ്ഘാടനം ചെയ്തു. സംഘാടക സമിതി ചെയർമാനും മുൻമന്ത്രിയുമായ അഡ്വ:വി.എസ്.സുനിൽകുമാർ അദ്ധ്യക്ഷത വഹിച്ചു. സി.പി.ഐ ദേശീയ കൗൺസിൽ അംഗം സി.എൻ.ജയദേവൻ, സംഘാടക സമിതി കൺവീനർ അഡ്വ:ടി.ആർ.രമേഷ് കുമാർ, നേതാക്കളായ എം.സ്വർണ്ണലത ടീച്ചർ, പി.കെ.കൃഷ്ണൻ, ടി.കെ.സുധീഷ്, ഷീന പറയങ്ങാട്ടിൽ, കെ.പി.സന്ദീപ്, സി.ആർ.മുരളീധരൻ, ഗീതഗോപി, അന്തിക്കാട് ബ്ലോക്ക് പഞ്ചായത്ത് പ്രസിഡന്റ് സി.കെ.കൃഷ്ണകുമാർ, കെ.കെ ജോബി.എന്നിവർ പങ്കെടുത്തു. ഒല്ലൂർ കൃഷി സമൃദ്ധി കർഷക ഉൽപാദക കമ്പനിയുടെ നീര, മുരിങ്ങയില ഉൽപന്നങ്ങളും, വില്ലേജ് അഗ്രോയുടെ പച്ചക്കറി തൈകളും വിത്തുകളും, കാർഷിക വികസന കർഷക ക്ഷേമ വകുപ്പിന് കീഴിലുള്ള ചെറുധാന്യ ഗ്രാമം അട്ടപ്പാടിയുടെ വിവിധ തരം ധാന്യങ്ങൾ, നീലഗിരി ചായപ്പൊടികൾ, തൃശൂർ ജില്ലാ ടീമാർക്കറ്റിംഗ് സഹകരണ സംഘത്തിന്റെ ചായപ്പൊടികൾ, പ്രകൃതി ബാഗിദാരി ബാഗുകൾ, വെളിച്ചെണ്ണ, ജൈവവളങ്ങൾ, നേന്ത്രവാഴക്കുലകൾ, കുത്താമ്പിള്ളി വണ്ടാഴിയുടെ വസ്ത്രങ്ങൾ, എണ്ണയിൽ വറുത്ത പലഹാരങ്ങൾ, പ്രഭാത് ബുക്ക്സിന്റെ പുസ്തകങ്ങൾ തുടങ്ങിയവ എക്സിബിഷൻ ഹാളിലുണ്ട്. ഹാളിലേക്കുള്ള പ്രവേശനം സൗജന്യമാണ്.
ബാലവേദി കലോത്സവം
തൃപ്രയാർ: സി.പി.ഐ ജില്ലാ സമ്മേളനത്തിന്റെ ഭാഗമായി നടത്തിയ ബാലവേദി കൂട്ടുകാരുടെ കലോത്സവം സിനി ആർട്ടിസ്റ്റ് കുക്കു പരമേശ്വരൻ ഉദ്ഘാടനം ചെയ്തു. ബാലവേദി ജില്ലാ കൺവീനർ സജിന പർവിൻ അദ്ധ്യക്ഷത വഹിച്ചു. സി.പി.ഐ ജില്ലാ സെക്രട്ടറി കെ.കെ. വത്സരാജ്, അഡ്വ. ടി.ആർ.രമേഷ്കുമാർ, വി.എസ്.സുനിൽകുമാർ, കെ.പി.സന്ദീപ്, ഷീന പറയങ്ങാട്ടിൽ, അഖിലേഷ്, ഷാജി കാക്കശ്ശേരി, അക്ഷയ്, ശിവപ്രിയ തുടങ്ങിയവർ പങ്കെടുത്തു. സമ്മാനദാനം സി.സി.മുകുന്ദൻ എം.എൽ.എ നിർവഹിച്ചു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |