കൊണ്ടോട്ടി : ബ്ലോക്ക് പഞ്ചായത്തിന്റെ 'സുകൃതം - വിശപ്പ് ശമനം" പദ്ധതിയുടെ ഉദ്ഘാടനം പള്ളിക്കൽ ഗ്രാമപഞ്ചായത്ത് ഹാളിൽ ജില്ലാ കളക്ടർ വി.ആർ.പ്രേംകുമാർ നിർവഹിച്ചു.പൊതുഫണ്ട് ഉപയോഗിക്കാതെ ജനകീയ പിന്തുണയോടെ നടപ്പാക്കുന്ന പദ്ധതി മാതൃകാപരമാണന്ന് കലക്‌ടർ പറഞ്ഞു.

ബ്ലോക്ക് പഞ്ചായത്ത് പ്രസിഡന്റ് വി. പി ഷെജിനി ഉണ്ണി അദ്ധ്യക്ഷയായി.

കൊണ്ടോട്ടി ബ്ലോക്ക് പരിധിയിലെത്തുന്ന ആരും പണമില്ലാത്തതിനാൽ വിശന്നിരിക്കരുതെന്നും ഒരു നേരത്തെ ഭക്ഷണമെങ്കിലും നൽകുകയെന്നതാണ് പദ്ധതി ലക്ഷ്യമിടുന്നത്. ബ്ലോക്ക് പരിധിയിൽ വരുന്ന ഹോട്ടൽ ആൻഡ് റസ്റ്റോറന്റ് അസോസിയേഷന്റെ സഹകരണത്തോടെയാണ് പദ്ധതി നടപ്പാക്കുന്നത്. ബ്ലോക്ക് പരിധിയിലെ എല്ലാ പ്രധാന അങ്ങാടികളിലെയും തിരഞ്ഞെടുത്ത ഹോട്ടലുകളിൽ രാവിലെ 10 മുതൽ ഏഴ് വരെയുള്ള സമയത്ത് ആവശ്യക്കാർക്ക് ഭക്ഷണം നൽകും. ടോക്കൺ ഉപയോഗിച്ചാണ് ഭക്ഷണം .