തൃശൂർ: പ്രവാസി ക്ഷേമ പദ്ധതികൾക്ക് കേന്ദ്രസഹായം അനുവദിക്കണമെന്ന് പ്രവാസി സംഘം സംസ്ഥാന സമ്മേളനം ആവശ്യപ്പെട്ടു. പ്രവാസി പുനരധിവാസ പദ്ധതികൾക്ക് ബാങ്കുകൾ കൂടുതൽ ഉദാര സമീപനം സ്വീകരിക്കണമെന്നും സമ്മേളനം ആവശ്യപ്പെട്ടു. സമാപന സമ്മേളനം സി.പി.എം പൊളിറ്റ് ബ്യൂറോ അംഗം എ.വിജയരാഘവൻ ഉദ്ഘാടനം ചെയ്തു. പ്രവാസി രംഗത്ത് മികച്ച സംഭാവനകൾ നൽകിയ പ്രവാസികളായ സിദ്ദിഖ് അഹമ്മദ്, ജെ.കെ.മേനോൻ, എം.ഷാനവാസ്, പ്രദീപ് ചേമ്പിൽ, കെ.ബി.മുരളി എന്നിവരെയാണ് ആദരിച്ചത്. ഭാരവാഹികളായി അഡ്വ.ഗഫൂർ പി.ലില്ലീസ് (പ്രസിഡന്റ് ), കെ.വി.അബ്ദുൾ ഖാദർ (സെക്രട്ടറി), ബാദുഷ കടലുണ്ടി (ട്രഷറർ), വൈസ് പ്രസിഡന്റുമാർ: സി.കെ.കൃഷ്ണദാസ്, കെ.വിജയകുമാർ, പീറ്റർ മാത്യു, ഇ.എം.പി.അബൂബക്കർ, ഷാഫിജ. സെക്രട്ടറിമാർ : പി.സെയ്താലിക്കുട്ടി, ആർ.ശ്രീകൃഷ്ണപിള്ള, പി.കെ.അബ്ദുള്ള, സജീവ് തൈക്കാട്, എക്‌സിക്യൂട്ടീവ് അംഗങ്ങൾ: വി.കെ.ഉമ്മർ, പ്രശാന്ത് കൂട്ടാമ്പള്ളി, എം.യു.അഷ്‌റഫ് എന്നിവരെ തെരഞ്ഞെടുത്തു.