തിരുവനന്തപുരം: വാട്ടർ അതോറിട്ടിയിലെ ശമ്പള പരിഷ്കരണത്തിനൊപ്പം പെൻഷൻ പരിഷ്‌കരണം നടത്താത്തതിൽ പ്രതിഷേധിച്ച് വാട്ടർ അതോറിട്ടി പെൻഷണേഴ്സ് ഐക്യവേദി പ്രതിഷേധിച്ചു. വാട്ടർ അതോറിട്ടി ആസ്ഥാനത്തിന് മുന്നിൽ ഐക്യവേദി സംസ്ഥാന ജനറൽ കൺവീനർ എം. രാധാകൃഷ്ണൻ ധർണ ഉദ്ഘാടനം ചെയ്തു. ജില്ലാ കൺവീനർ സി. വാസവൻ നായർ അദ്ധ്യക്ഷനായി. അരുവിക്കര വിജയൻ നായർ,​ ഐക്യവേദി നേതാക്കളായ ടി. അജിതദേവി, കൃഷ്ണമൂർത്തി, കെ.എസ്. രാമചന്ദ്രൻ നായർ, പി.കെ. ശശീന്ദ്രൻ, ജി. ശശി, കെ. വിജയകുമാർ തുടങ്ങിയവർ പങ്കെടുത്തു.