ലക്നൗ: ഉത്തർപ്രദേശിലെ ഹർദോയിൽ ട്രാക്ടർ -ട്രോളി നദിയിലേക്ക് മറിഞ്ഞുണ്ടായ അപകടത്തിൽ നാലു കർഷകരുടെ മൃതദേഹം കണ്ടെത്തി. പതിനാലുപേരെ രക്ഷിച്ചു. കാണാതായവർക്കായി എൻ.ഡി.ആർ.എഫ് , എസ്.ഡി.ആർ.എഫ് സംഘാംഗങ്ങൾ തെരച്ചിൽ തുടരുകയാണ്. ശനിയാഴ്ചയാണ് ഹർദോയിലെ പാലി പൊലീസ് സ്റ്റേഷന് സമീപത്തുള്ള ഗരാ നദിയിലേക്ക് ഇരുപത്തിനാലോളം കർഷകരുമായി വന്ന ട്രാക്ടർ ട്രോളി മറിഞ്ഞത്. അപകടത്തിൽ മരിച്ചവരുടെ കുടുംബങ്ങൾക്ക് സർക്കാർ അഞ്ച് ലക്ഷം രൂപ ധനസഹായം പ്രഖ്യാപിച്ചിട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |