അശ്വതി: അശ്രാന്ത പരിശ്രമഫലമായി വളരെക്കാലമായി ആഗ്രഹിക്കുന്ന കാര്യം നിറവേറും. സഹോദരസ്ഥാനീയരിൽ നിന്ന് ഗുണാനുഭവമുണ്ടാകും.
ഭരണി: ഭരണകാര്യങ്ങളിൽ മാറ്റങ്ങൾ ഉണ്ടാകാനിടയുണ്ട്. ശസ്ത്രക്രിയ വിജയകരമാകും. സന്താനങ്ങളെച്ചൊല്ലി മനോവിഷമം.
കാർത്തിക: കാരണമില്ലാതെ ദമ്പതികൾ തമ്മിൽ വഴക്കിടാനിടയുണ്ട്. സർക്കാരിൽ നിന്ന് ആനുകൂല്യങ്ങൾ ലഭിക്കും.
രോഹിണി: രോഗം വരാതിരിക്കാനുള്ള പ്രതിരോധ ഔഷധങ്ങൾ സേവിക്കും. സന്താനസൗഭാഗ്യം. സമയനഷ്ടം.
മകയിരം: മനോഹരമായി പൂക്കളങ്ങൾ നിർമ്മിക്കും. നിശ്ചയിച്ച വിവാഹത്തീയതി മാറ്റിവയ്ക്കും. അനാവശ്യയാത്ര.
തിരുവാതിര: അപ്രതീക്ഷിതമായി ഉന്നത വ്യക്തികളിൽ നിന്ന് സഹായം ലഭിക്കും. ദിനചര്യയിൽ കാര്യമായ വ്യതിയാനം.
പുണർതം: പുത്തൻ ആശയങ്ങൾക്കനുസരിച്ച് പ്രവർത്തിക്കും. ആഘോഷപരിപാടികളിൽ പങ്കെടുക്കും.
പൂയം: പൂക്കൾ കൊണ്ടുള്ള കളം ഉണ്ടാക്കി മനോഹരമാക്കും. കുടുംബത്തിൽ മംഗളകർമ്മങ്ങൾ നടക്കും.
ആയില്യം: ആത്മാർത്ഥമായി പരിശ്രമിക്കുകവഴി മത്സരപരീക്ഷകളിൽ നല്ല നിലവാരം പ്രകടിപ്പിക്കും. യോഗ, നീന്തൽ പരിശീലനം, സംഗീത പരിശീലനം.
മകം: മനഃസന്തോഷം കൂടിക്കൂടി വരും. വിദേശ വസ്തുക്കൾ പാരിതോഷികമായി ലഭിക്കും. സുഹൃത്തുക്കളുടെ ആഗമനം മൂലം സന്തോഷം അനുഭവപ്പെടും.
പൂരം: പൂജാദികാര്യങ്ങൾക്കായി സമയവും ധനവും ചെലവഴിക്കും. അയൽക്കാരിൽ നിന്ന് ശല്യം. ഉൗഹക്കച്ചവടത്തിൽ അമിത ലാഭം.
ഉത്രം: ഉത്തരം കിട്ടാത്ത ചോദ്യങ്ങൾക്കായി വായന നന്നായി നടത്തേണ്ടിവരും. കുടുംബസംഗമം, ആഘോഷങ്ങളിൽ പങ്കെടുക്കും.
അത്തം: അപകടങ്ങളിൽ നിന്ന് അത്ഭുതകരമാംവിധം രക്ഷപ്പെടും. വിദേശയാത്രക്കുള്ള അനുമതി ലഭിക്കും. ഭോജനസൗഖ്യം.
ചിത്തിര: ചിന്തിച്ച് മനസിന് അസ്വാസ്ഥ്യം ഉണ്ടാകാനിടയുണ്ട്. സ്ത്രീകളിൽ വിഷാദരോഗം, സന്ധിവേദന, മുടികൊഴിച്ചിൽ. ഔഷധങ്ങൾക്കായി നല്ല തുക ചെലവഴിക്കും.
ചോതി: ആരോഗ്യത്തിൽ ശ്രദ്ധിക്കണം. അന്യരുടെ അനാവശ്യ വിമർശനങ്ങളെ നേരിടേണ്ടിവരും. ലഹരിപദാർത്ഥങ്ങളോട് വൈമുഖ്യം.
വിശാഖം: വിശേഷ സ്ഥാനമാനലബ്ധിയുണ്ടാകും. ഭാഗ്യക്കുറി ലഭിക്കാം. വിലപ്പെട്ട പ്രമാണങ്ങളിലൊപ്പുവയ്ക്കും
.
അനിഴം: അന്യരുടെ വാക്കുകേട്ട് അബദ്ധത്തിൽ ചെന്നുചാടരുത്. മേലധികാരികളിൽ നിന്ന് നീരസം.
തൃക്കേട്ട: തൃക്കാൽക്കൽ വീണ് നമസ്കരിക്കുകയും ഭക്തിഗാനങ്ങൾ ആലപിച്ച് ദൈവസാന്നിദ്ധ്യം വർദ്ധിപ്പിക്കുകയും ചെയ്യും. നവീന ഗൃഹത്തിൽ വാസ്തുപൂജ, പാലുകാച്ചൽ. സന്താനസൗഭാഗ്യം.
മൂലം: വിദേശ ധനം ലഭിക്കൽ, സന്താനങ്ങളെക്കുറിച്ച് അമിതമായ ഉത്ക്കണ്ഠ. വിരുന്നുസൽക്കാരം.
പൂരാടം: പൂർത്തീകരിക്കാൻ കഴിയാതെ നിറുത്തിവച്ച ഗൃഹനിർമ്മാണ പരിപാടികൾ വീണ്ടും ആരംഭിക്കും. ഗുരുജനപ്രീതി, ഗൃഹോപകരണങ്ങൾ വാങ്ങൽ.
ഉത്രാടം: ഉത്തരവാദിത്വം കൂടിയ ജോലി ഏറ്റെടുക്കേണ്ടിവരും. കീഴ്ജീവനക്കാരിൽ നിന്ന് സഹകരണം.
തിരുവോണം: തിരുവോണാഘോഷത്തിന്റെ മുന്നോടിയായി നടക്കുന്ന ചടങ്ങുകളിൽ സംബന്ധിക്കും. പ്രദർശനശാലകൾ സന്ദർശിക്കും.
അവിട്ടം: അവിചാരിതമായി കുടുംബത്തിൽ പകർച്ചവ്യാധി വരാൻ സാദ്ധ്യത. സത്സംഗം, പുണ്യദേവാലയ ദർശനം, വിരുന്നുസത്ക്കാരം.
ചതയം: ചന്തയിൽ പോയി അത്യാവശ്യ സാമഗ്രികൾ വാങ്ങിക്കും. കലാസാഹിത്യപ്രവർത്തകരുടെ വരുമാനവും ബഹുമാനവും വർദ്ധിക്കും. പുതിയ കൂട്ടുകെട്ടുമൂലം ഗുണാനുഭവം.
പൂരുരുട്ടാതി: പൂർവാധികം ശക്തിയോടെ കാറ്റുവീശി, ഗൃഹത്തിന് കേടുപറ്റാനിടയുണ്ട്. ബന്ധുക്കൾ ശത്രുക്കളെ പോലെ പെരുമാറും. അതിഥി സത്ക്കാരം.
ഉത്രട്ടാതി: ഉദ്ദേശിച്ച കാര്യം വളരെ വൃത്തിയോടും ശ്രദ്ധയോടുംകൂടി ചെയ്തുതീർക്കും. അന്ധവിശ്വാസങ്ങൾക്കടിമപ്പെടും. കുടുംബത്തിൽ കഠിനാദ്ധ്വാനം ചെയ്യും.
രേവതി: രേഖാപരമായി തെളിയിക്കുന്നതുമൂലം വ്യവഹാരം വിജയിക്കും. മാതാപിതാക്കളുടെ സന്തോഷത്തിന് നല്ല കാര്യങ്ങൾ ചെയ്യും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |