SignIn
Kerala Kaumudi Online
Friday, 18 October 2019 7.21 AM IST

രാഹുൽ ഗാന്ധി നന്ദി പറയാനെത്തിയപ്പോൾ കാണാനെത്തിയവരുടെ പോക്കറ്റും ചോർന്നു, നഷ്ടമായത് ലക്ഷക്കണക്കിന് രൂപയും രേഖകളും 

rahul-gandhi

മുക്കം: വയനാടുകാരുടെ മാനസചോരനായിട്ടാണ് വൻ ഭൂരിപക്ഷത്തോടെ രാഹുൽ ഗാന്ധി വിജയിച്ച് ഡൽഹിയിലേക്ക് പോയത്. എന്നാൽ തിരികെ വോട്ടർമാരെ കണ്ട് നന്ദി പറയുവാനായി അദ്ദേഹം മണ്ഡല പര്യടനം നടത്തിയപ്പോൾ നിരവധി പേരുടെ പോക്കറ്റാണ് പോക്കറ്റടിക്കാർ ചോർത്തിയത്. ഒരിടത്ത് തന്നെ പത്തും പതിനഞ്ചും പേരുടെ വരെ പോക്കറ്റടിച്ചു. ഈ സംഭവത്തിന് പിന്നിൽ ജനക്കൂട്ടത്തിലേക്ക് നുഴഞ്ഞ് കയറിയ സംഘം തന്നെ പ്രവർത്തിച്ചു എന്ന് കരുതുന്നു.


ലക്ഷങ്ങളാണ് ഇവർ ചുരുങ്ങിയ സമയത്തിനകം പലരുടെയും പോക്കറ്റുകളിൽ നിന്ന് സ്വന്തം പോക്കറ്റിലാക്കിയത്.

കോഴിക്കോടു ജില്ലയിൽ ഈങ്ങാപ്പഴയിലെ സ്വീകരണവും റോഡ് ഷോയും കഴിഞ്ഞ് രണ്ടാമത്തെ കേന്ദ്രമായ മുക്കത്തെത്തിയപ്പോൾ 12 മണിയായി.ഇതിനിടെ ഇവിടെ നുറുകണക്കിലാളുകൾ തടിച്ചുകൂടി.പൊലീസിന്റെ നിർദ്ദേശങ്ങളും റോഡരുകിൽ കെട്ടിപ്പൊക്കിയ ബാരിക്കേഡുമൊന്നും ഗൗനിക്കാതെയാണ് പാർട്ടി പതാകകളുമായി യുഡിഎഫ് പ്രവർത്തകർ വാഹനങ്ങളിലും അല്ലാതെയും റോഡിൽ തലങ്ങും വിലങ്ങും 'ഷോ ' കാണിച്ചത്. മുക്കത്ത് നേരത്തെ അഗ്നി രക്ഷാനിലയമായിരുന്ന കെട്ടിടത്തിന്റെ പരിസരത്തുവച്ചാണ് രാഹുലും മറ്റു നേതാക്കളും തുറന്ന വാഹനത്തിൽ കയറി റോഡ് ഷോ ആരംഭിച്ചത്.

ഈ സമയം ആവേശം മൂത്ത അനുയായികൾ വിലക്കുകളെല്ലാം ലംഘിച്ച് തിക്കും തിരക്കുമുണ്ടാക്കിയതാണ് പോക്കറ്റടിക്കാർക്ക് ചാകരയ്ക്ക് അവസരമൊരുക്കിയത്. ഒറ്റയടിക്ക് 15 ആളുകളുടെ പോക്കറ്റാണ് ഇതിനിടെ കാലിയായത്. പണം മാത്രമല്ല എ ടി എം കാർഡും ലൈസൻസും ഉൾപെടെയുള്ള രേഖകളാണ് പലർക്കും നഷ്ടപ്പെട്ടത്. ഇങ്ങനെ പോക്കറ്റ് കാലിയായവരിൽ വിവിധ പാർടികളുടെ ഭാരവാഹികളും നേതാക്കളും ജനപ്രതിനിധികളും ഉൾപ്പെടും. മുക്കം നഗരസഭ കൗൺസിലർ റഹമത്തിന്റെ ഭർത്താവ് വി ടി ബുഷൈർ, പഞ്ചായത്തംഗമായിരുന്ന ആമിനയുടെ ഭർത്താവ് മുഹമ്മദ്, മുക്കം ബാങ്ക് ഡയരക്ടർ മുനീർ എന്നിവർ പണം നഷ്ടമായവരിൽ പെടും. മുക്കത്തുമാത്രമല്ല മറ്റു സ്വീകരണ കേന്ദ്രങ്ങളിലും പോക്കറ്റടിക്കാർ വിലസിയതായാണ് വിവരം.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: RAHUL GANDHI, WAYANADU, WAYANADU CONSTITUENCY
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.