മലപ്പുറം: ഓണസമ്മാനമായി ജില്ലയിലെ 733 എൽ.പി സ്കൂൾ അദ്ധ്യാപകർക്ക് സ്ഥിരനിയമനം നൽകി പൊതുവിദ്യാഭ്യാസ വകുപ്പ്. എൽ.പി.എസ്.ടി നിയമനത്തിലൂടെ സംസ്ഥാനതലത്തിൽ ഏറ്റവും കൂടുതൽ അദ്ധ്യാപകർക്ക് നിയമനം ലഭിച്ചതും മലപ്പുറത്താണ്. ജില്ലയിൽ ഒരു ലിസ്റ്റിൽ നിന്നും ഇത്രയും കൂടുതൽ നിയമനങ്ങൾ ഒന്നിച്ച് നടത്തുന്നതും ഇതാദ്യമായാണ്. എൽ.പി.എസ്.ടി നിയമനത്തിന് പിറകെ യു.പി.എസ്.ടി, എച്ച്.എസ്.ടി നിയമനവും ഉടനെയുണ്ടാകും. ഇതുവരെയുള്ള ഒഴിവുകളെല്ലാം പി.എസ്.സി യ്ക്ക് റിപ്പോർട്ട് ചെയ്തിട്ടുണ്ട്. പുതിയ അദ്ധ്യാപകർ നിയമിക്കപ്പെടുന്നതോടെ താത്കാലിക അദ്ധ്യാപകർക്ക് ചുമതല ഒഴിയേണ്ടിവരും. നിലവിൽ നിയമനം ലഭിച്ച അദ്ധ്യാപകരിൽ ഭൂരിഭാഗവും പി.എസ്.സി ലിസ്റ്റിൽ ഉള്ളരാണെന്നതും ശ്രദ്ധേയമാണ്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |