മുക്കം: മണാശ്ശേരി ഉണർവ് റസിഡന്റ് അസോസിയേഷൻ ഓണാഘോഷവും ലഹരിവിരുദ്ധ ബോധവത്കരണ ക്ലാസും നടത്തി. മുക്കം നഗരസഭ ചെയർമാൻ പി.ടി.ബാബു ഉദ്ഘാടനം ചെയ്തു. അനിൽ സർഗം അദ്ധ്യക്ഷത വഹിച്ചു. 'ലഹരി വസ്തുക്കളുടെ ഉപയോഗവും കുറ്റകൃത്യങ്ങളും' എന്ന വിഷയത്തിൽ മുക്കം ജനമൈത്രി പൊലീസ് സബ് ഇൻസ്പെക്ടർ പി.അസ്സയിൻ ക്ലാസെടുത്തു. ഉണർവ് കൈയെഴുത്ത് പതിപ്പിന്റെ പ്രകാശനവും അദ്ദേഹം നിർവഹിച്ചു. വി.കുഞ്ഞൻ, എം.വി.രജനി, ഗർവാസിസ് വട്ടുകളം, തങ്കച്ചൻ അനുഗ്രഹ, കെ.രാമചന്ദ്രൻ ,സൂസൻ അനുഗ്രഹ, കെ.എൻ. മനോജ്, എൻ.ശൈലജ, റോഷൻ ഇടയാളി എന്നിവർ പ്രസംഗിച്ചു.