പണിതിട്ടും പണിതിട്ടും പണിതീരാത്ത ഒരു കൊട്ടാരമുണ്ട്. ബ്രിട്ടനിലെ കെന്റിലാണ് ഹാമിൽട്ടൺ പാലസ് എന്നറിയപ്പെടുന്ന ഈ കൊട്ടാരം സ്ഥിതി ചെയ്യുന്നത്. ബക്കിംഗ് ഹാം കൊട്ടാരത്തെക്കാൾ വലുതാണ് ഈ കെട്ടിടം. . 40 വർഷം മുമ്പ് ആരംഭിച്ച കൊട്ടാരത്തിന്റെ നിർമ്മാണം ഇപ്പോഴും തുടർന്നുകൊണ്ടിരിക്കുകയാണ്. അത് കൊണ്ട് തന്നെ ഇവിടെ താമസക്കാരുമില്ല. സസെക്സിന്റെ പ്രേതം എന്നാണ് ഈ നിർമ്മിതിയെ വിശേഷിപ്പിച്ചിരുന്നത്.
ഏക്കർ കണക്കിന് പരന്ന് കിടക്കുന്ന വനത്തിന് ഒത്ത നടുവിലായാണ് സ്വകാര്യ വ്യക്തിയുടെ ഉടമസ്ഥതയിലുള്ള ഈ കെട്ടിടം. പുറത്തുനിന്ന് ഒരാൾക്കും ഇവിടെ അത്ര പെട്ടെന്ന് എത്തിച്ചേരാൻ കഴിയില്ല . സ്ഥലത്തിന് പുറത്ത് നിന്ന് മുന്നറിയിപ്പ് നൽകുന്ന ബോർഡുകളും പ്രവേശനം വിലക്കി കൊണ്ടുള്ള പോസ്റ്ററുകളും സ്ഥാപിച്ചിട്ടുണ്ട്. 2020ലാണ് ഈ കെട്ടിടത്തിന്റെ അവസാന ചിത്രങ്ങൾ പുറത്തുവന്നത്. ഡ്രോൺ ഉപയോഗിച്ചായിരുന്നു അന്ന് ചിത്രങ്ങൾ പകർത്തിയത്.
സ്ഥലത്തെ പ്രധാന കോടീശ്വരൻമാരിൽ ഒരാളും വിവാദ വ്യക്തിയുമായ നിക്കോളാസ് വാൻ ഹ്യൂഗ് സ്ട്രാറ്റൻ എന്ന സസെക്സ് സ്വദേശിയാണ് കൊട്ടാരത്തിന്റെ ഉടമസ്ഥൻ . വാൻ ഹ്യൂഗ് സ്ട്രാറ്റന്റെ കലാ ശേഖരം സ്ഥാപിക്കുന്നതിനായി നിർമ്മിച്ചതാണ് ഈ കൊട്ടാരം. ഇപ്പോൾ അദ്ദേഹം ബഹാമാസിൽ ആണ് ബിസിനസ് സംരംഭങ്ങൾ കെട്ടിപ്പടുക്കുന്നത്. 2016ൽ വീടില്ലാത്തവരെ പാർപ്പിക്കാൻ കൊട്ടാരത്തിന്റെ ചില ഭാഗങ്ങൾ ഉപയോഗിക്കണമെന്ന് അടുത്തുള്ള താമസക്കാർ ചിലർ ആവശ്യപ്പെട്ടിരുന്നു. എന്നാൽ അദ്ദേഹം അത് നിരസിക്കുകയാണ് ഉണ്ടായത്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |