അശ്വതി : കർമ്മപുരോഗതി, കുടുംബ സംഗമം, അതിഥി സത്കാരം, പുരസ്കാര ലബ്ധി, പന്തുകളി, പകിടകളി മുതലായ കളികളിൽ പങ്കെടുത്ത് വിജയിക്കും.
ഭരണി : വിദേശ യാത്രയ്ക്ക് അനുമതി ലഭിക്കും. വിവാഹ പ്രായമായവരുമായി വിവാഹ കാര്യത്തിൽ അനുകൂലമായ തീരുമാനമുണ്ടാകും.
കാർത്തിക : പ്രവാസികൾക്ക് ജോലി വീണ്ടും ലഭിക്കാനിടയുണ്ട്. ആരോഗ്യപുഷ്ടി, വാഹനയാത്രയിൽ പ്രശ്നങ്ങൾ എന്നിവ ഉണ്ടാകും.
രോഹിണി : വിവാഹാദി മംഗളകർമ്മങ്ങളിൽ സംബന്ധിക്കും. അസൂയക്കാരിൽനിന്നും അയൽക്കാരിൽനിന്നും ശല്യം ഉണ്ടാകാനിടയുണ്ട്.
മകയിരം : വാക്ക് പാലിക്കാൻ കഴിയാത്ത അവസ്ഥ. ബന്ധുക്കൾ ശത്രുക്കളെ പോലെ പെരുമാറും.
തിരുവാതിര : പുതിയ കൂട്ടുകെട്ടുമൂലം ഗുണാനുഭവം, കുടുംബത്തിൽ സൽസന്താനസൗഭാഗ്യം.
പുണർതം : ഉന്നതതല വ്യക്തികളുമായി പരിചയപ്പെടുവാനിട വരും. ദിനചര്യയിൽ കാര്യമായ വ്യതിയാനം.
പൂയം : സ്വന്തം ഉത്തരവാദിത്വം അന്യരെ ഏല്പിക്കുക വഴി അബദ്ധങ്ങളിൽ ചെന്നു ചാടുകയും ധനനഷ്ടം വരുകയും ചെയ്യാനിടയുണ്ട്.
ആയില്യം : സർക്കാരിൽനിന്ന് ലഭിക്കേണ്ട സാമ്പത്തികാനുകൂല്യങ്ങൾ ലഭിക്കാൻ താമസംവരും. പ്രസവ കാര്യങ്ങൾക്കും രോഗ നിർണയാവശ്യങ്ങൾക്കും ആശുപത്രിവാസം വേണ്ടിവരും.
മകം: കലാസാഹിത്യ പ്രവർത്തനങ്ങൾ ആരോഗ്യക്ഷതംമൂലം നിറുത്തിവയ്ക്കും. ലഹരിപദാർത്ഥങ്ങളോട് ചെറിയ താത്പര്യം.
പൂരം : അന്യരുടെ കാര്യങ്ങളിൽപെട്ട് ദുഷ്പേരുണ്ടാകാതിരിക്കാൻ ശ്രമിക്കുന്നത് നന്നായിരിക്കും. അഗ്നി, വാതകം, വൈദ്യുതി, വാഹനം, ആയുധം എന്നിവ കൈകാര്യം ചെയ്യുമ്പോൾ പ്രത്യേകം ശ്രദ്ധിക്കണം.
ഉത്രം : അവിചാരിതമായി വിദേശ ധനലബ്ധി, സന്താനങ്ങൾക്ക് പരീക്ഷാദികളിൽ സമുന്നത വിജയം. അധികാരപ്രാപ്തി.
അത്തം : അത്യാവശ്യ യാത്ര, തൊഴിൽപ്രശ്നം രൂക്ഷമാകൽ, ബന്ധുജനങ്ങളുമായി വിട്ടുവീഴ്ചയ്ക്ക് തയ്യാറാകേണ്ടിവരുക, മേലധികാരിൽനിന്ന് അതൃപ്തി.
ചിത്തിര : പുരാതന ധനംലഭിക്കും. അകന്ന ബന്ധുക്കളുടെ വിരഹം, സർക്കാരിൽനിന്നോ അധികൃത സ്ഥാപനങ്ങളിൽനിന്നോ നീതി ലഭിക്കൽ.
ചോതി : ധാർമ്മിക കാര്യങ്ങളിൽ സഹകരിക്കും. ജോലിയിൽ അധികാര പരിധി വർദ്ധിക്കുന്നതിനാൽ വിശ്രമ സമയം കുറയും.
വിശാഖം : കർമ്മരംഗത്ത് ആസ്വാദ്യകരമായ അനുഭവങ്ങൾ ഉണ്ടാകാനിടയുണ്ട്. നിർണായകമായ കാര്യങ്ങളിൽ വ്യക്തവും യുക്തവുമായ നിലപാട് സ്വീകരിക്കുകയും ചെയ്യും.
അനിഴം : വിശേഷപ്പെട്ട വസ്തുക്കൾ സ്വന്തം അധീനതയിൽ വന്നുചേരും. വീട് വിട്ട് നിൽക്കേണ്ട സാഹചര്യം.
തൃക്കേട്ട : ജീവിത ശൈലിയിൽ ചില ക്രമീകരണങ്ങൾ ചെയ്യേണ്ടിവരും. സാമ്പത്തികാഭിവൃദ്ധിയുണ്ടാകും.
മൂലം : വിശിഷ്ട വ്യക്തികളെ കണ്ടുമുട്ടാനും അനുഗ്രഹം ലഭിക്കാനും ഇടയാകും. കർമ്മ രംഗത്ത് മികച്ച പ്രകടനങ്ങൾ കാഴ്ചവയ്ക്കും.
പൂരാടം : അന്യർക്കുവേണ്ടി അഹോരാത്രം പ്രവർത്തിക്കും. തടസങ്ങളെ മറികടക്കാൻ കഴിയും.
ഉത്രാടം : സന്താനങ്ങൾക്കുവേണ്ടി ഗുണപ്രദമായ ചില കാര്യങ്ങൾ നടത്തും. മത്സരപരീക്ഷകളിൽ സന്താനങ്ങൾ വിജയിക്കും.
തിരുവോണം : യോഗ, സംഗീതം, പാചകം, നൃത്തം, തിരുവാതിരകളി ,വാഹനമോടിക്കൽ എന്നിവയിലേതെങ്കിലും ഒന്ന് പരിശീലിക്കാനിട.
അവിട്ടം : പുതിയ സ്നേഹബന്ധങ്ങളിൽ ഉലച്ചിൽ സംഭവിക്കാനിടയുണ്ട്. ആശയവിനിമയത്തിലെ അപാകത നിമിത്തം തെറ്റിദ്ധരിക്കപ്പെടാൻ സാദ്ധ്യത.
ചതയം : ഉദര സംബന്ധമായും ഹൃദയ സംബന്ധമായും ചികിത്സ വേണ്ടിവരും. കുടുംബ ജീവിതത്തിൽ അന്തഛിദ്രങ്ങൾക്ക് സാധ്യതയുണ്ട്.
പുരൂരുട്ടാതി : ഭാഗ്യക്കുറിയോ ചിട്ടിയോ വീണുകിട്ടും. പരാജയഭീതി, ശത്രുക്കൾ വർദ്ധിക്കൽ, പുണ്യദേവാലയ സന്ദർശനം നീട്ടിവയ്ക്കൽ എന്നിവയ്ക്ക് സാദ്ധ്യത.
ഉതൃട്ടാതി : അതിഥികളായി ബന്ധുക്കളും സ്നേഹിതന്മാരും വന്നുചേരും. രാഷ്ട്രീയ രംഗത്ത് നേതൃസ്ഥാനം വഹിക്കും.
രേവതി : വളരെക്കാലമായി കാണുവാനാഗ്രഹിച്ച വ്യക്തിയെ കണ്ടുമുട്ടുകയും ഭാവിയിൽ ഗുണം ചെയ്യുകയും ചെയ്യും.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |