SignIn
Kerala Kaumudi Online
Monday, 19 August 2019 4.46 AM IST

ഇനി മോദിയുടെ 'സ്റ്റാർ വാർസ്': സ്പേസ് ഡിഫൻസ് സേനയ്ക്ക് അന്തിമരൂപമായി

modi-space

ന്യൂഡൽഹി: ഇന്ത്യയുടെ ബഹിരാകാശ പ്രതിരോധ സേനയ്ക്ക് അന്തിമ രൂപം നൽകി നരേന്ദ്ര മോദി സർക്കാർ. ബഹിരാകാശത്ത് ഉണ്ടാകാനിടയുള്ള ഭീഷണികളെയും യുദ്ധങ്ങളെയും ചെറുക്കാനായി പ്രത്യേക പടക്കോപ്പുകളും സാങ്കേതികവിദ്യയും ബഹിരാകാശ സേന വികസിപ്പിച്ചെടുക്കും. ഇന്ത്യൻ ബഹിരാകാശ സാറ്റലൈറ്റുകൾക്കും ഉപകരണങ്ങൾക്കും ബാഹ്യശക്തികളിൽ നിന്നും ആവശ്യമായ സംരക്ഷണം നൽകാനും ഈ സേനയെ ഇന്ത്യ ഉപയോഗപ്പെടുത്തും.

'സ്പേസ് വാറുകൾ ഉണ്ടാകാനുള്ള സാധ്യതയെയും, ബഹിരാകാശത്ത് നിന്നുമുള്ള ഭീഷണികളെയും നേരിടാൻ ഈ ഡിഫെൻസ് സ്പേസ് ഏജൻസിയിലൂടെ ഇന്ത്യയ്ക്ക് സാധിക്കും.' ഒരു മുതിർന്ന സൈനിക ഉദ്യോഗസ്ഥൻ പറയുന്നു.

ഇതിനായി ഇന്ത്യ ഒരു ബഹിരാകാശ പ്രതിരോധ കേന്ദ്രത്തെയും രൂപീകരിക്കും. ആയുധങ്ങൾ വികസിപ്പിച്ചെടുക്കുകയും ഈ മേഖലയിൽ ഗവേഷണം നടത്തുകയുമാവും ഈ സ്ഥാപനത്തിന്റെ ചുമതല. കര, നാവിക, വ്യോമ സേനകളിൽ നിന്നും തിരഞ്ഞെടുക്കപ്പെട്ട ഉദ്യോഗസ്ഥരാകും ബഹിരാകാശ പ്രതിരോധ സേനയുടെ ഭാഗമാകുക.

മാസങ്ങൾക്ക് മുൻപ് നടന്ന ഇന്ത്യയുടെ ഉപഗ്രഹവേധ പരീക്ഷണത്തിന് ശേഷമാണ് മോദി സർക്കാർ ഇങ്ങനെയൊരു പ്രതിരോധ സേനയുടെ സാധ്യതകൾ അന്വേഷിക്കുന്നത്. ഈ പരീക്ഷണത്തിൽ ഇന്ത്യ വിജയകരമായി ഭ്രമണപഥത്തിലുള്ള ഒരു ഉപഗ്രഹത്തെ മിസൈൽ ഉപയോഗിച്ച് തകർത്തിരുന്നു. ഇതിലൂടെ ഈ ദൗത്യം സാധ്യമാക്കിയ ചുരുക്കം ചില രാജ്യങ്ങളുടെ പട്ടികയിൽ ഇന്ത്യ സ്ഥാനം പിടിക്കുകയും ചെയ്തു.

കഴിഞ്ഞ മോദി സർക്കാരിന്റെ സമയത്ത് ഇങ്ങനെയൊരു ഏജൻസി രൂപീകരിക്കാൻ പദ്ധതിയുണ്ടായിരുന്നു. ഇതിനെകുറിച്ച് കേന്ദ്ര മന്ത്രിസഭയിൽ ചർച്ചയും സംഘടിപ്പിച്ചിരുന്നു. എന്നാൽ ലോക്സഭാ തിരഞ്ഞെടുപ്പിനെ തുടർന്ന് ഈ പദ്ധതി അനിശ്ചിതത്വത്തിലാകുകയായിരുന്നു. ദേശീയ സുരക്ഷാ ഏജൻസി തലവൻ അജിത് ഡോവൽ അധ്യക്ഷനായ ഡിഫൻസ് പ്ലാനിങ് കമ്മിറ്റിയും ഇതേ കാര്യം ചർച്ച ചെയ്തിരുന്നു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, NATIONAL, NATIONAL NEWS, INDIAN DEFENCE, INDIAN SPACE DEFENEC AGENCY, MODI, MODI GOVERNMENT, ANTI SATELITE MISSILE
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.