കെയിൻസ് : ന്യൂസിലാൻഡ് പര്യടനത്തിലെ അവസാന ഏകദിനത്തിൽ 25 റൺസിന് വിജയിച്ച ആസ്ട്രേലിയ 2-1ന് പരമ്പരയും സ്വന്തമാക്കി. തകർപ്പൻ സെഞ്ച്വറി നേടിയ മുൻ നായകൻ സ്റ്റീവൻ സ്മിത്തിന്റെ (105) മികവിലാണ് ഓസ്ട്രേലിയ മൂന്നാം ഏകദിനത്തിൽ വിജയം കണ്ടത്. ആദ്യം ബാറ്റുചെയ്ത ഓസ്ട്രേലിയ 267/5 എന്ന സ്കോർ ഉയർത്തിയപ്പോൾ ന്യൂസിലാൻഡിന്റെ മറുപടി 49.5 ഓവറിൽ 242ൽ അവസാനിക്കുകയായിരുന്നു.

മാർനസ് ലാബുഷെയ്ൻ(52),അലക്സ് കാരേ(42)എന്നിവരും സ്മിത്തിന് പിന്തുണ നൽകി. അവസാന ഏകദിനത്തിനിറങ്ങിയ ഓസ്ട്രേലിയൻ നായകൻ ആരോൺ ഫിഞ്ച് അഞ്ചുറൺസെടുത്ത് പുറത്തായി.

12-ാം ഏകദിന സെഞ്ച്വറി നേടിയ സ്മിത്താണ് മാൻ ഒഫ് ദ മാച്ചും മാൻ ഒഫ് ദ സിരീസും.