ഓണവിശേഷങ്ങൾ പങ്കുവച്ച് വനിതാ എം എൽ എമാർ. വടകര എം എൽ എ കെ കെ രമ, കൊയിലാണ്ടി എം എൽ എ കാനത്തിൽ ജമീല, പാലക്കാട് കൊങ്ങാട് എം എൽ എ ശാന്തകുമാരി, വൈക്കം എം എൽ എ സി കെ ആശ, കായംകുളം എം എൽ എ അഡ്വ യു പ്രതിഭ, ചടയമംഗലം എം എൽ എയും മന്ത്രിയുമായ ചിഞ്ചുറാണി എന്നിവരാണ് കൗമുദി ടിവിയിലൂടെ വിശേഷങ്ങൾ പങ്കുവച്ചത്.
'ഞാൻ കൊല്ലത്ത് തന്നെയാണ് ജനിച്ചുവളർന്നത്. അത്തം മുതൽ അവിടെ നല്ല തിരക്കാണ് . കുട്ടിക്കാലത്തൊക്കെ ബന്ധുക്കളൊക്കെ നേരത്തെ എത്തും. ഊഞ്ഞാലാടൽ. തുമ്പികളി അങ്ങനെ എല്ലാ കളിയുമുണ്ട്. എല്ലാവരും ഒന്നിച്ചുണ്ണും. ഭയങ്കര സന്തോഷമാണ്. ആ ഒരു ഓണം ഇക്കാലത്ത് ഇല്ല.'- ചിഞ്ചുറാണി പറഞ്ഞു.
'വടകരയിൽ വിശേഷ ദിവസങ്ങളിലൊക്കെ നോൺ ആയിരിക്കും. ടി പിയുള്ള സമയത്ത് രാവിലെ ചിക്കനും മീനും വാങ്ങിക്കാൻ പോകും. ആ ദിവസങ്ങളിൽ അദ്ദേഹം തന്നെയാണ് എല്ലാം ഉണ്ടാക്കുക. കുറേ ആളുകൾ വരും. പണ്ടൊക്കെ ഇതുപോലുള്ള ആഘോഷങ്ങൾ വരാൻ കാത്തിരിക്കും. കാരണം ആ ദിവസങ്ങളിലാണ് നോണൊക്കെ കിട്ടുക. എന്നെ സംബന്ധിടത്തോളം ഇപ്പോൾ ഓണം അല്ലെങ്കിൽ ആഘോഷമെന്ന് പറയുന്നതൊന്നും വലുതായിട്ടില്ല.'- കെ കെ രമ പറഞ്ഞു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |