കഴക്കൂട്ടം : ഇന്ത്യ ദക്ഷിണാഫ്രിക്ക മത്സരം നടക്കാൻ ദിവസങ്ങൾ മാത്രം ശേഷിക്കേ ഗ്രീൻഫീൽഡ് സ്റ്റേഡിയത്തിലെ ഫ്യൂസൂരി കെ എസ് ഇ ബി. രണ്ടരക്കോടി രൂപയുടെ കുടിശ്ശിക വരുത്തിയതിനാലാണ് കെ എസ് ഇ ബി സ്റ്റേഡിയത്തിലേക്കുള്ള വൈദ്യുതി വിച്ഛേദിച്ചത്. ഈ മാസം ഇരുപത്തിയെട്ടിനാണ് ഇന്ത്യ - ദക്ഷിണാഫ്രിക്ക മത്സരം. മത്സരത്തിന് സ്റ്റേഡിയത്തിൽ സുരക്ഷയൊരുക്കാൻ സിറ്റി പൊലിസ് കമ്മീഷണർ യോഗം വിളിച്ച ദിവസമാണ് കെ എസ് ഇ ബി ഫ്യൂസൂരിയത്.
കെ എസ് ഇ ബി ഫ്യൂസൂരിയത് നിരാശാജനകമെന്ന് കെ സി എ പ്രതികരിച്ചു. സ്റ്റേഡിയത്തിൻെറ നടത്തിപ്പ് ചുമതലയുള്ള കന്പനി സാന്പത്തിക പ്രതിസന്ധിയിലാണ്. ഇവർക്കാണ് ബിൽ അടയ്ക്കേണ്ട ചുമതല. സ്റ്റേഡിയത്തിലേക്കുള്ള വെള്ളത്തിൻെറ വിതരണവും കുടിശ്ശിക അടച്ചില്ലെങ്കിൽ നിർത്തി വയ്ക്കുമെന്ന് വാട്ടർ അതോറിട്ടി അറിയിച്ചതായും റിപ്പോർട്ടുണ്ട്.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |