ശ്രീകൃഷ്ണപുരം: സ്വാതന്ത്ര്യത്തിന്റെ 75-ാം വാർഷികത്തോട് അനുബന്ധിച്ച് ശ്രീകൃഷ്ണപുരം ലയൺസ് ക്ലബ് സംഘടിപ്പിച്ച വേൾഡ് പീസ് പോസ്റ്റർ രചനാ മത്സരത്തിൽ വിജയിയായ തിരുവാഴിയോട് ഗവ.എൽ.പി സ്കൂളിലെ രണ്ടാം ക്ലാസ് വിദ്യാർത്ഥി കെ.എസ്. നിതിനെ അനുമോദിച്ചു. ലയൺസ് ക്ലബ് പ്രസിഡന്റ് അരുൺ രവി ഉദ്ഘാടനം ചെയ്തു. പ്രധാനദ്ധ്യാപകൻ ഗംഗാധരൻ മഠത്തിൽ അദ്ധ്യക്ഷത വഹിച്ചു. ഓണാഘോഷത്തോട് അനുബന്ധിച്ചു വിവിധ മത്സരങ്ങളിൽ പങ്കെടുത്തവർക്ക് സമ്മാനങ്ങളും വിതരണം ചെയ്തു. ക്ലബ് സെക്രട്ടറി ഭാസ്കർ പെരുമ്പിലാവിൽ, സി. രാമദാസൻ, സി.ആർ. പുഷ്പ, ഒ. ഷിജി, കെ. ശ്രീജ, സി. പുഷ്പ, കെ. സുബ്രഹ്മണ്യൻ, കെ. ഋതികരാജ് എന്നിവർ സംസാരിച്ചു.
ശ്രീകൃഷ്ണപുരം ലയൺസ് ക്ലബ് സംഘടിപ്പിച്ച പോസ്റ്റർ രചനാ മത്സരത്തിൽ വിജയിയായ കെ.എസ്. നിതിനെ അനുമോദിക്കുന്നു.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |