SignIn
Kerala Kaumudi Online
Thursday, 08 December 2022 12.03 PM IST

മകളുടെ മുന്നിലിട്ട് അച്ഛനെ മർദ്ദിച്ചിട്ട് അഞ്ച് ദിവസം പിന്നിട്ടു; കെ എസ് ആർ ടി സി ജീവനക്കാരെ എന്തുകൊണ്ട് അറസ്റ്റ് ചെയ്യുന്നില്ലെന്ന് ഹൈക്കോടതി

high-court

കൊച്ചി: കാട്ടാക്കടയിൽ മകളുടെ കൺസഷൻ കാർഡ് പുതുക്കാൻ വന്ന പിതാവിനെ മർദ്ദിച്ച കേസിലെ പ്രതികളായ കെ എസ് ആർ ടി സി ജീവനക്കാരെ അറസ്റ്റ് ചെയ്യാത്തതിനെതിരെ ഹൈക്കോടതി. സംഭവം നടന്ന് അഞ്ച് ദിവസം പിന്നിട്ടിട്ടും മകളുടെ മുന്നിലിട്ട് പിതാവിനെ മർദ്ദിച്ചവരെ എന്തുകൊണ്ട് അറസ്റ്റുചെയ്‌തില്ലെന്ന് ഹൈക്കോടതി ചോദിച്ചു.


അക്രമികൾ ഒളിവിലാണെന്നും, അവരുടെ ഫോണുകൾ സ്വിച്ച് ഓഫാണെന്നുമാണ് സർക്കാർ കോടതിയിൽ നൽകിയ വിശദീകരണം. അതേസമയം, സംഭവത്തിൽ കെ എസ് ആർ ടി സി എം ഡി ഖേദം പ്രകടിപ്പിച്ചതിനെ കോടതി പ്രശംസിച്ചു. ചിലർ മോശമായി പെരുമാറുമ്പോൾ എല്ലാവരും മോശക്കാരായി മാറുമെന്ന് ഹൈക്കോടതി ചൂണ്ടിക്കാട്ടി.

കുട്ടിയുടെ പിതാവിനെ മർദ്ദിച്ചവരുടെ കൂട്ടത്തിലുണ്ടായിരുന്ന മെക്കാനിക്ക് അജിയെ ഇന്നലെ പ്രതി ചേർത്തിരുന്നു. സോഷ്യൽ മീഡിയയിൽ പ്രചരിക്കുന്ന വീഡിയോയിൽ നിന്നാണ് അജിയെ തിരിച്ചറിഞ്ഞത്. മകൾക്കും അവളുടെ സുഹൃത്തിനുമൊപ്പം കൺസഷൻ കാർഡ് പുതുക്കാൻ എത്തിയ ആമച്ചൽ സ്വദേശിയും പൂവച്ചൽ പഞ്ചായത്ത് ക്ലാർക്കുമായ പ്രേമനനാണ് മർദനമേറ്റത്.

പുതിയ കൺസഷൻ കാർഡ് നൽകാൻ കോഴ്സ് സർട്ടിഫിക്കറ്റ് വേണമെന്ന് കെ എസ് ആർ ടി സി ജീവനക്കാരൻ ആവശ്യപ്പെടുകയായിരുന്നു. മൂന്ന് മാസം മുമ്പ് കാർഡ് എടുത്തപ്പോൾ കോഴ്സ് സർട്ടിഫിക്കറ്റ് നൽകിയതാണെന്നും പുതുക്കാൻ ഇത് ആവശ്യമില്ലെന്നും പ്രേമനനൻ മറുപടി നൽകിയതോടെയാണ് വാക്കേറ്റവും മർദ്ദനവും ഉണ്ടായത്.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: KATTAKKADA, KSRTC ATTACK CASE, POLICE, HIGH COURT, FATHER, DAUGHTER
KERALA KAUMUDI EPAPER
TRENDING IN KERALA
VIDEOS
PHOTO GALLERY
TRENDING IN KERALA
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.