ലക്നൗ : ഭർത്താവ് മുത്തലാഖ് ചൊല്ലിയതിനെ തുടർന്ന് മുസ്ലീം യുവതി ഹിന്ദുമതം സ്വീകരിച്ചു, ശേഷം ഹിന്ദുവിനെ വിവാഹം ചെയ്തു. റുബീന എന്ന യുവതിയാണ് ഹൈന്ദവ മതം സ്വീകരിച്ച് പുഷ്പയായി മാറിയത്. ഉത്തരാഖണ്ഡിലെ ഹൽദ്വാനിയിൽ താമസിക്കുന്ന ഷോയിബും റുബീനയും ഒൻപത് വർഷത്തെ പ്രണയത്തിനൊടുവിലാണ് വിവാഹിതരായത്. എന്നാൽ വിവാഹം കഴിഞ്ഞ് കുറച്ച് വർഷങ്ങൾക്ക് ശേഷം ദമ്പതികൾക്കിടയിൽ രൂക്ഷമായ കലഹം ആരംഭിക്കുകയായിരുന്നു.

ഇതേ തുടർന്ന് റുബീനയെ ഷോയിബ് മുത്തലാഖ് ചൊല്ലി. ദമ്പതികൾക്ക് മൂന്ന് ആൺമക്കളുണ്ട്.

ഭർത്താവ് മുത്തലാഖ് ചൊല്ലിയതോടെ പ്രേംപാലിനെ വിവാഹം കഴിക്കാൻ റുബീന തീരുമാനിക്കുകയായിരുന്നു. പിന്നീട് റുബീന ഹിന്ദുമതം സ്വീകരിക്കുകയും പ്രേംപാലിനെ വിവാഹം കഴിക്കുകയും പുഷ്പ ദേവിയായി മാറുകയും ചെയ്തു. അഞ്ച് വർഷം മുമ്പാണ് നവാബ്ഗഞ്ചിൽ താമസിക്കുന്ന പ്രേംപാലിനെ യുവതി കണ്ടുമുട്ടിയത്. ഇതിന് ശേഷം ഇരുവരും സുഹൃത്തുക്കളായിരുന്നു.