തിരുവനന്തപുരം: കൃഷി വകുപ്പ് നടപ്പിലാക്കുന്ന പദ്ധതികളിൽ ഗ്രോബാഗുകൾക്ക് പകരം പ്രകൃതിസൗഹൃദ മാർഗങ്ങൾക്ക് പ്രോത്സാഹനം നൽകുമെന്ന് മന്ത്രി പി.പ്രസാദ് പറഞ്ഞു കാർഷിക പ്രവർത്തനങ്ങൾക്കായി ഗ്രോബാഗുകൾ ഉപയോഗിക്കുന്നത് പരിസരമലിനീകരണം ഉണ്ടാക്കുന്നതിനാലും ഗുരുതര പാരിസ്ഥിതികപ്രശ്നങ്ങൾ സൃഷ്ടിക്കുന്നതിനാലും ഒറ്റത്തവണ ഉപയോഗിക്കുന്ന പ്ലാസ്റ്റിക് നിർമ്മിത വസ്തുക്കൾ കേരളത്തിൽ നിരോധിച്ചിട്ടുള്ളതിനാലുമാണ് ഗ്രോബാഗുകൾ ഉപേക്ഷിക്കുന്നത്.

ഇനിമുതൽ . ഗ്രോബാഗിന് പകരമായി മൺചട്ടികൾ, കയർ പിത് ചട്ടികൾ, റീസൈക്കിൾ ചെയ്യാവുന്നതും കൂടുതൽ കാലം ഉപയോഗിക്കാൻ സാധിക്കുന്നതുമായ എച്ച്.ഡി.പി.ഇ കണ്ടെയ്നറുകൾ തുടങ്ങിയവ ഉപയോഗിക്കുന്നതിനായിരിക്കും പരിഗണന നൽകുക. കാർബൺ തുലിത കൃഷിക്ക് സൗഹൃദമായ മാർഗ്ഗങ്ങൾ കൂടുതലായി ഉപയോഗിക്കാൻ കർഷകരെ സജ്ജരാക്കുമെന്നും മന്ത്രി കൂട്ടിച്ചേർത്തു.