തിരുവനന്തപുരം: കുരുന്നുകൾക്ക് അറിവിന്റെ ആദ്യക്ഷരം നുകരാൻ അവസരമൊരുക്കി കേരളകൗമുദി തിരുവനന്തപുരം യൂണിറ്റിൽ വിദ്യാരംഭം രജിസ്ട്രേഷൻ തുടരുന്നു. വിജയദശമി ദിനമായ ഒക്ടോബർ അഞ്ചിനാണ് വിദ്യാരംഭം. സാമൂഹിക സാംസ്കാരിക മേഖലയിലെ പ്രമുഖർ ആചാര്യസ്ഥാനം വഹിക്കും. കവി പ്രഭാവർമ്മ, ഡോ. മാർത്താണ്ഡപിള്ള, എ.ഡി.ജി.പി പദ്മകുമാർ, മുൻ ഡി.ജി.പി ഹേമചന്ദ്രൻ, പ്രമുഖ ന്യൂറോളജിസ്റ്റ് ഡോ.ഷാജി പ്രഭാകരൻ, ഗോമതി അമ്മാൾ, ഡോ.ബി. അശോക് ഐ.എ.എസ് തുടങ്ങിയ പ്രമുഖരാണ് കുഞ്ഞുങ്ങൾക്ക് ആദ്യക്ഷരം കുറിക്കാനെത്തുന്നത്. കേരളത്തിന്റെ അക്ഷരവെളിച്ചമായി നിലനിൽക്കുന്ന കേരളകൗമുദിയിൽ വർഷം തോറും ആയിരക്കണക്കിന് കുഞ്ഞുങ്ങളാണ് എഴുത്തിനിരിക്കുന്നത്. പേട്ട എസ്.എൻ.ഡി.പി ഹാളിലാണ് ചടങ്ങ്. ആദ്യക്ഷരം കുറിക്കുന്ന കുഞ്ഞുങ്ങൾക്ക് സമ്മാനങ്ങളും നൽകും. രജിസ്ട്രേഷന് വിളിക്കേണ്ട നമ്പർ: 0471-7117000, 9645089898. രാവിലെ 9.30 മുതൽ വൈകിട്ട് 5.30 വരെയാണ് സമയം.
അപ്ഡേറ്റായിരിക്കാം ദിവസവുംഒരു ദിവസത്തെ പ്രധാന സംഭവങ്ങൾ നിങ്ങളുടെ ഇൻബോക്സിൽ |