SignIn
Kerala Kaumudi Online
Tuesday, 06 December 2022 9.48 PM IST

ചെർപ്പുളശ്ശേരിയിൽ എത്ര വലിയ വീട്ടിൽ കയറിയാലും കള്ളന്മാർക്ക് സ്വർണവും പണവും വേണ്ട, അടിച്ചുകൊണ്ടു പോകുന്നത് അതിനേക്കാളൊക്കെ വെയിറ്റുള്ളത്

robberry

ചെർപ്പുളശ്ശേരി: പലവിധത്തിലുള്ള മോഷണങ്ങൾ നമ്മൾ കേട്ടിട്ടുണ്ട്. എന്നാൽ ചെർപ്പുളശ്ശേരിയിൽ കഴിഞ്ഞ ദിവസം നടന്ന മോഷണം ഏവരെയും ഞെട്ടിച്ചിരിയുകയാണ്. സ്വർണവും പണവുമൊന്നുമല്ല മോഷ്ടാക്കൾ കവർന്നത്. വീടുകളുടേയും പറമ്പുകളുടേയും ഉൾപ്പടെ പത്തിലധികം ഇരുമ്പു ഗേറ്റുകളാണ് നേരം ഇരുട്ടി വെളുത്തപ്പോൾ കാണാതായത്.


27-ാം വാർഡിലെ മൽമൽത്തൊടി, മടത്തിപറമ്പ്, വീണാത്തുപറമ്പ്, പ്രശാന്തി നഗർ തുടങ്ങിയ ഭാഗങ്ങളിലെ വീടുകളുകളുടേയും പറമ്പുകളുടേയുമെല്ലാം ഗേറ്റുകളാണ് മോഷണം പോയിരിക്കുന്നത്. പതിവുപോലെ രാത്രി ഗേറ്റ് അടച്ച് കിടന്നുറങ്ങിയ വീട്ടുകാർ രാവിലെ എണിറ്റു നോക്കുമ്പോഴാണ് ഗേറ്റ് അപ്രത്യക്ഷമായതായാണ് കാണുന്നത്. വിവരം സമീപവാസികളെ അറിയിച്ചപ്പോഴാണ് അവിടെയും ഗേറ്റുകൾ കാണാനില്ലെന്നറിയുന്നത്. ഇക്കഴിഞ്ഞ ഞായറാഴ്ച പുലർച്ചെയാണ് വീടുകളുടെ ഗേറ്റുകൾ മോഷണം പോയത്. അതിനു മുമ്പുള്ള ദിവസങ്ങളിലാണ് പറമ്പുകളുടേയും തോട്ടങ്ങളുടേയുമെല്ലാം ഗേറ്റുകൾ കാണാതായത്.


ഊരിയെടുക്കാൻ കഴിയും വിധമുള്ള ചെറിയ ഇരുമ്പു ഗേറ്റുകളാണ് മോഷണം പോയവയെല്ലാം. എന്തിനാണ് കള്ളൻമാർ ഗേറ്റ് മോഷ്ടിച്ചതെന്ന അമ്പരപ്പിലാണ് നാട്ടുകാർ. വിവരം വാർഡ് കൗൺസിലർ ടി.കെ.സലാമിനെ അറിയിച്ചതിനെ തുടർന്ന് പൊലീസിൽ പരാതി നൽകിയിട്ടുണ്ട്. എന്നാൽ ഗേറ്റ് കള്ളൻമാരെ കുറിച്ച് വിവരമൊന്നും കിട്ടിയിട്ടില്ല. ഇത്തരമൊരു സംഭവം പ്രദേശത്ത് ആദ്യമാണെന്നും വിഷയം ഗൗരവമായി എടുത്ത് അന്വേഷണം നടത്തണമെന്നും ടി.കെ.സലാം ആവശ്യപ്പെട്ടു.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: CASE DIARY, CHERPPULASSERRY, GATE ROBBERRY, PALAKKAD
KERALA KAUMUDI EPAPER
TRENDING IN CASE DIARY
VIDEOS
PHOTO GALLERY
TRENDING IN CASE DIARY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.