SignIn
Kerala Kaumudi Online
Wednesday, 01 February 2023 12.43 AM IST

ബാഗിൽ ബോംബുണ്ടെന്ന് യാത്രക്കാരൻ, വിമാനത്തിന് അകമ്പടിയേകി യുദ്ധവിമാനങ്ങൾ

dragon

സിംഗപ്പൂർ സിറ്റി : യാത്രക്കാരിൽ ഒരാൾ വ്യാജ ബോംബ് ഭീഷണി മുഴക്കിയതിനെ തുടർന്ന് സിംഗപ്പൂർ എയർലൈൻസ് വിമാനത്തിന് അകമ്പടിയൊരുക്കി സിംഗപ്പൂർ എയർഫോഴ്സിന്റെ രണ്ട് എഫ് - 16 യുദ്ധവിമാനങ്ങൾ.

യു.എസിലെ സാൻഫ്രാൻസിസ്കോയിൽ നിന്ന് സിംഗപ്പൂരിലെ ചാംഗി അന്താരാഷ്ട്ര വിമാനത്താവളത്തിലേക്ക് പുറപ്പെട്ട വിമാനത്തിലാണ് ബോംബ് ഭീഷണിയുണ്ടായത്. വിമാനത്താവളത്തിൽ സുരക്ഷിതമായി ലാൻഡ് ചെയ്യുന്നത് വരെ വിമാനത്തെ യുദ്ധവിമാനങ്ങൾ നിരീക്ഷിച്ചു.

വിമാനത്തിലുണ്ടായിരുന്ന ഒരു 37കാരനാണ് വ്യാജ ബോംബ് ഭീഷണിയ്ക്ക് പിന്നിൽ. തന്റെ ബാഗിനുള്ളിൽ ബോംബുണ്ടെന്ന് അവകാശപ്പെട്ട ഇയാൾ വിമാന ജീവനക്കാരെ ആക്രമിക്കുകയും ചെയ്തിരുന്നു. 16 മണിക്കൂറും 25 മിനിറ്റും നീണ്ട യാത്രയ്ക്കൊടുവിൽ ഇന്നലെ പുലർച്ചെ പ്രാദേശിക സമയം 5.50ഓടെ ലാൻഡ് ചെയ്തതിന് പിന്നാലെ വിമാനത്താവളത്തിൽ എത്തിയിരുന്ന പ്രതിരോധ മന്ത്രാലയത്തിലെ വിദഗ്ദ്ധരടങ്ങുന്ന സംഘം ഇയാളെ പരിശോധിക്കുകയും ഭീഷണി വ്യാജമാണെന്ന് സ്ഥിരീകരിക്കുകയുമായിരുന്നു. യുവാവിനെ ഉടൻ അറസ്റ്റ് ചെയ്തു. സംഭവത്തിൽ അന്വേഷണം ആരംഭിച്ച പൊലീസ് കൂടുതൽ വിവരങ്ങൾ പുറത്തുവിട്ടിട്ടില്ല.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: NEWS 360, WORLD, WORLD NEWS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.