കോട്ടയം. ഭക്ഷ്യ സുരക്ഷാ വകുപ്പിന്റെ ആഭിമുഖ്യത്തിൽ ഭക്ഷ്യ വ്യാപാരികൾക്കായി ഇന്ന് ലൈസൻസ് / രജിസ്‌ട്രേഷൻ മേള സംഘടിപ്പിക്കുന്നു. കോട്ടയം മാലി ഇന്റർ നാഷണൽ ഹോട്ടലിൽ രാവിലെ 10 മുതൽ നാലു വരെയാണ് മേള. ഭക്ഷ്യോത്പ്പന ഫാക്ടറികൾ മുതൽ വീടുകളിൽ ചെറുകടികളും കേക്കും നിർമ്മിച്ചു വിൽക്കുന്നവർ വരെ നിർബന്ധമായും ലൈസൻസ് എടുക്കേണ്ടവരാണ്. ക്യാഷ് സീൽ/ രസീത് എന്നിവയിൽ രജിസ്‌ട്രേഷൻ നമ്പർ രേഖപ്പെടുത്തണമെന്നും ഫുഡ് സേഫ്റ്റി ഓഫീസർ അറിയിച്ചു. എഫ്. എസ്.എസ്.എ.ഐ. ലൈസൻസില്ലാതെ പ്രവർത്തിക്കുന്നത് ആറു മാസം തടവും അഞ്ചു ലക്ഷം രൂപ പിഴയും ലഭിക്കാവുന്ന കുറ്റമാണ്.