തലശ്ശേരി: തലശ്ശേരിയുടെ കലാസാംസ്‌ക്കാരിക രംഗത്ത് നിസ്തുലമായ പങ്ക് വഹിച്ച കൊടിയേരി ബാലകൃഷ്ണന് കേരള സ്‌കൂൾ ഒഫ് ആർട്സിന്റെ ചിത്രാഞ്ജലി.ചിത്രവിദ്യാലയത്തിന് നഗരസഭയിൽ നിന്ന് സ്ഥലം അനുവദിച്ചു കിട്ടിയത് കോടിയേരിയുടെ ശ്രമഫലമായാണെന്ന് കേരള ലളിതകലാ അക്കാഡമി വൈസ് ചെയർമാൻ എബി.എൻ.ജോസഫും, ചലച്ചിത്ര സംവിധായകൻ പ്രദീപ് ചൊക്ലിയും പറഞ്ഞു. സ്‌കൂളിൽ നടന്ന അനുശോചന ചടങ്ങിൽ സെൽവൻ മേലൂർ, എം.സി.സജീവൻ, കെ.പി.പ്രമോദ്, പൊൻമണി തോമസ്, സുഹാസ് വേലാണ്ടി എന്നിവർ സംസാരിച്ചു.