ന്യൂഡൽഹി : പോപ്പുലർ ഫ്രണ്ട് ആഹ്വാനം ചെയ്ത ഹർത്താലിനിടെ നടന്ന അക്രമസംഭവങ്ങളെക്കുറിച്ച് എൻ.ഐ.എ വിവരങ്ങൾ ശേഖരിക്കുന്നതായി റിപ്പോർട്ട്. പി.എഫ്.ഐ കേന്ദ്രങ്ങളിൽ നടന്ന റെയ്‌‌‌ഡിലും നേതാക്കളുടെ അറസ്റ്റിലും പ്രതിഷേധിച്ച് നടത്തിയ ഹർത്താലിലെ അക്രമസംഭവങ്ങളെക്കുറിച്ചും ഇതിലെ പ്രതികളെക്കുറിച്ചുള്ള വിവരങ്ങളാണ് എൻ.ഐ.എ തേടുന്നത്. അക്രമസംഭവങ്ങളിലെ പ്രതികളുടെ വിവരങ്ങൾ ശേഖരിക്കുന്നത് പോപ്പുലർ ഫ്രണ്ടിന്റെ താഴേതട്ടിലെ പ്രവർത്തനങ്ങളെ കുറിച്ച് കൃത്യമായ ധാരണ ലഭിക്കാൻ സഹായകമാകും എന്നാണ് എൻ.ഐ.എയുടെ കണക്കുകൂട്ടൽ.

അതേസമയം പോപ്പുപലർ ഫ്രണ്ട് നേതാവ് എ. അബ്‌ദുൾ സത്താറിനെ ചോദ്യം ചെയ്യലിനായി എഞ്ചു ദിവസത്തെ എൻ.ഐ.എ കസ്റ്റിഡിയിൽ വിട്ടു. പോപ്പുലർ ഫ്രണ്ടിന് വിദേശ പണം ലഭിച്ചത് സംബന്ധിച്ച് വിശദമായ അന്വേഷണം വേണമെന്നും ഇക്കാര്യത്തിൽ അബ്ദുൾ സത്താറിനെ ചോദ്യം ചെയ്യേണ്ടതുണ്ടെന്നും ദേശീയ അന്വേഷണ ഏജൻസി കോടതിയെ അറിയിച്ചിരുന്നു. ഭീകര സംഘടനകളിലേക്കുള്ള റിക്രൂട്ട്‌മെന്റ്,​ ബിനാമി സ്വത്തുക്കൾ വാങ്ങിക്കൂട്ടഷ എന്നിവയെക്കുറിച്ചും എൻ.ഐ.എ പരിശോധിക്കുന്നുണ്ട്