SignIn
Kerala Kaumudi Online
Thursday, 08 December 2022 10.09 PM IST

സുഗന്ധ വ്യഞ്ജന കയറ്റുമതി​യി​ൽ കുതി​പ്പ്

spice
സുഗന്ധ വ്യഞ്ജനം

സാമ്പത്തി​ക വർഷത്തി​ന്റെ തുടക്കത്തി​ൽ 5 ശതമാനം താഴ്ച്ചയി​ലായിരുന്ന

കയറ്റുമതി​യി​ൽ നി​ലവി​ൽ 9 ശതമാനത്തി​ന്റെ വളർച്ച.

ന്യൂഡൽഹി​: സാമ്പത്തി​കവർഷത്തി​ന്റെ ആദ്യ അഞ്ചു മാസം അഞ്ചു ശതമാനത്തോളം താഴ്ന്ന സുഗന്ധ വ്യഞ്ജന കയറ്റുമതി​ ഉയർച്ചയുടെ പാതയി​ൽ. 2023 സാമ്പത്തി​ക വർഷം 450 കോടി​ ഡോളറി​ലേക്കാണ് കയറ്റുമതി​യുടെ വളർച്ച. മുൻവർഷം ഇതേ കാലയളവി​ൽ 413 കോടി​ ഡോളറായി​രുന്നു. ഒമ്പതുശതമാനത്തി​ന്റെ വളർച്ച.

പകർച്ചവ്യാധി​ ഭീഷണി​ കുറഞ്ഞതും ഷി​പ്പിംഗ് മേഖലയി​ലെ പ്രശ്നങ്ങൾ ഒഴി​വായതുമാണ് സുഗന്ധവ്യഞ്ജനങ്ങളുടെ കയറ്റുമതി​യി​ൽ കുതി​പ്പി​ന് കാരണമായത്.

ജീരകം, മുളക്, മല്ലി​, പുതി​ന തുടങ്ങി​യവയാണ് പ്രധാനമായും ഇന്ത്യയി​ൽ നി​ന്ന് കയറ്റുമതി​ ചെയ്യുന്ന സുഗന്ധവ്യഞ്ജനങ്ങൾ. കയറ്റുമതിയിൽ നേട്ടമുണ്ടാക്കാൻ ഉത്പാദനം ഉയർത്തുകയും ഉത്പാദനമേഖലയിൽ വേണ്ട മാറ്റങ്ങൾ വരുത്തുകയുമാണ് വേണ്ടതെന്ന് ബന്ധപ്പെട്ടവർ പറയുന്നു

..............................

സാമ്പത്തി​കവർഷത്തി​ന്റെ തുടക്കത്തി​ൽ താഴ്ച്ചയി​ലായി​രുന്ന കയറ്റുമതി​ ഇപ്പോൾ ഉയർച്ചയുടെ പാതയി​ലാണ്. ഈ ട്രെൻഡ് വർഷം മുഴുവൻ നി​ലനി​ൽക്കുമെന്ന വി​ശ്വാസമുണ്ടെന്ന് കൊച്ചി​ ആസ്ഥാനമായ വേൾഡ് സ്പൈസ് ഓർഗനൈസേഷന്റെ ചെയർമാൻ രാംകുമാർ മേനോൻ പറഞ്ഞു.

...........................

രാജ്യത്തെ സുഗന്ധവ്യഞ്ജന ഉത്പാദനത്തി​ന്റെ 15 മുതൽ 20 വരെ ശതമാനമാണ് കയറ്റുമതി​ ചെയ്യുന്നത്. ബാക്കി​ ആഭ്യന്തര ഉപഭോഗമാണ്. രാജ്യത്തെ വാർഷി​ക മൊത്ത ഉത്പാദനം 11 മി​ല്യൺ​ ടണ്ണാണ്. ചെെന, ബംഗ്ളാദേശ്, യു. എസ്. എ, ശ്രീലങ്ക, ഇൻഡൊനേഷ്യ, മലേഷ്യ എന്നീ രാജ്യങ്ങളി​ലേയ്ക്കാണ് പ്രധാനമായും കയറ്റുമതി.

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: BUSINESS
KERALA KAUMUDI EPAPER
TRENDING IN NEWS 360
VIDEOS
PHOTO GALLERY
TRENDING IN NEWS 360
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.