SignIn
Kerala Kaumudi Online
Sunday, 27 November 2022 10.01 AM IST

സീബ്ര ക്രോസിംഗ് കിടക്കയാക്കി സുഖനിദ്ര, നടുറോഡിൽ തലയണ വെച്ച് കിടന്നുറങ്ങി യുവാവ്, വീഡിയോ വൈറൽ ആയതിന് പിന്നാലെ അറസ്റ്റ്

dubai-incident

ജൂനിയർ മാൻഡ്രേക്ക് എന്ന മലയാളചിത്രത്തിൽ നടുറോഡിൽ പായ വിരിച്ച് കിടന്ന് ജഗതി ശ്രീകുമാർ അവതരിപ്പിക്കുന്ന കഥാപാത്രം ഉണ്ടാക്കുന്ന പൊല്ലാപ്പുകൾ കണ്ട് ചിരിക്കാത്ത മലയാളികളുണ്ടാകില്ല. എന്നാൽ ഈ നർമരംഗത്തിന് സമാനമായ ഒരു സംഭവം അടുത്തിടെ ദുബായിൽ അരങ്ങേറിയിരുന്നു. ദുബായ് പൊലീസിന് തലവേദന സൃഷ്ടിച്ച സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയ വഴി വലിയ തോതിൽ തന്നെ പ്രചരിച്ചിരുന്നു. ദുബായിലെ സലാഹുദ്ധീൻ സ്ട്രീറ്റിലെ തിരക്കേറിയ റോഡിന് കുറുകെ ഒരാൾ തലയണയുമായി കിടക്കുന്നതായിരുന്നു വൈറലായി പ്രചരിച്ച വീഡിയോയുടെ ഉള്ളടക്കം. തിരക്കേറിയ റോഡിൽ ജനജീവിതം അപകടപ്പെടുന്ന രീതിയിൽ പെരുമാറിയ ഇയാളെ ദുബായ് പൊലീസ് അധികം വൈകാതെ തന്നെ പിടികൂടി.

തിരക്ക് വകവെയ്ക്കാതെ റോഡിൽ കിടക്കുന്ന ആളുടെ വീഡിയോ ദൃശ്യം ടിക് ടോകിലായിരുന്നു ആദ്യം പ്രത്യക്ഷപ്പെട്ടത്. പിന്നീട് ഈ വീഡിയോ ദൃശ്യം നീക്കം ചെയ്തെങ്കിലും അതിനോടകം തന്നെ നിരവധി പേർ സോഷ്യൽ മീഡിയ അക്കൗണ്ടുകൾ വഴി പങ്കുവെച്ചിരുന്നു. ജനങ്ങളുടെ ജീവനും ആരോഗ്യവും സുരക്ഷയും അപകടപ്പെടുത്തുന്ന തരത്തിൽ മനഃപൂർവം പ്രവർത്തിച്ചതിന് തടവ് ശിക്ഷയും പിഴയും ഏർപ്പെടുത്താവുന്ന വകുപ്പ് പ്രകാരം അറസ്റ്റിലായ ഇയാൾ ഏഷ്യൻ വംശജനാണെന്നാണ് ദുബായ് പൊലീസ് ട്വിറ്റർ മുഖേന അറിയിച്ചത്. ഇയാൾക്കതിരെ മറ്റുള്ളവരുടെ ജീവൻ അപകടപ്പെടുത്താൻ ശ്രമിച്ചതിനും മാർഗതടസ്സം സൃഷ്ടിച്ചതിനും അടക്കം പൊലീസ് കേസ് രജിസ്റ്റർ ചെയ്തിട്ടുണ്ട്.

വീഡിയോയിൽ പ്രത്യക്ഷപ്പെട്ടയാളുടെ വ്യക്തിഗത വിവരങ്ങൾ അധികൃതർ പുറത്തുവിട്ടിട്ടില്ല. അതേ സമയം നിയമവിരുദ്ധമായ ഇത്തരം പ്രവർത്തനങ്ങൾ ശ്രദ്ധയിൽപ്പെട്ടാൽ സ്മാർട്ട് ആപ്പ് സേവനമുപയോഗിച്ച് തങ്ങളെ വിവരമറിയിക്കണമെന്ന് ദുബായ് പൊലീസ് പൊതുജനങ്ങളെ അറിയിച്ചു

JOIN THE DISCUSSION
ഇവിടെ കൊടുക്കുന്ന അഭിപ്രായങ്ങൾ കേരള കൗമുദിയുടെതല്ല. സോഷ്യൽ നെറ്റ്‌വർക്ക് വഴി ചർച്ചയിൽ പങ്കെടുക്കുന്നവർ അശ്ലീലമോ അസഭ്യമോ തെറ്റിദ്ധാരണാജനകമോ അപകീർത്തികരമോ നിയമവിരുദ്ധമോ ആയ അഭിപ്രായങ്ങൾ പോസ്റ്റ്‌ ചെയുന്നത് സൈബർ നിയമപ്രകാരം ശിക്ഷാർഹമാണ്.
TAGS: DUBAI
KERALA KAUMUDI EPAPER
TRENDING IN LIFESTYLE
VIDEOS
PHOTO GALLERY
X
Lorem ipsum dolor sit amet
consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat.
We respect your privacy. Your information is safe and will never be shared.