തിരുവനന്തപുരം: സംസ്ഥാന സർക്കാരും വൈലോപ്പിള്ളി സംസ്കൃതി ഭവനും വെമ്പട്ടി രവിശങ്കർ സ്കൂൾ ഒഫ് കുച്ചുപ്പുടിയും സംയുക്തമായി നടത്തുന്ന വെമ്പട്ടി നർത്തനം 12 മുതൽ 16 വരെ വൈകിട്ട് 6ന് വൈലോപ്പിള്ളി സംസ്കൃതി ഭവനിൽ നടക്കും. വെമ്പട്ടി രവിശങ്കറിന്റെ സ്മരണാർത്ഥം അഞ്ചുദിവസങ്ങളിലായി നടക്കുന്ന പരിപാടിയിൽ സായി റവാലി ബോധപതി, നിമിഷ നീരജ്, നീന ചെറിയാൻ, ഹർഷിണി ഭൂപതിരാജ്,കൃഷ്ണ ശ്രീജിത്ത്, രാഹുൽ സാംസൺ,ശ്രീദേവകി മെധുരി തുടങ്ങിയവർക്കൊപ്പം വെമ്പട്ടി രവിശങ്കർ സ്കൂൾ ഒഫ് കുച്ചുപ്പുടിയുടെ ആർട്ടിസ്റ്റിക് ഡയറക്ടർ പ്രിയങ്ക വെമ്പട്ടിയുടെ ശിഷ്യരും പങ്കെടുക്കും. 15ന് നടക്കുന്ന പഠനക്യാമ്പിൽ കുച്ചുപ്പുടിയിലേക്ക് വെമ്പട്ടി രവിശങ്കറിന്റെ സംഭാവനകൾ എന്ന വിഷയത്തിൽ ചർച്ച നടക്കുമെന്ന് പ്രതിനിധികൾ വാർത്താ സമ്മേളനത്തിൽ അറിയിച്ചു. നർത്തകിയും മുൻ കലാതിലകവുമായ നീന ചെറിയാൻ വെമ്പട്ടി രവിശങ്കർ സ്കൂൾ ഒഫ് കുച്ചുപ്പുടി ആർട്ടിസ്റ്റിക് ഡയറക്ടർ പ്രിയങ്ക വെമ്പട്ടി തുടങ്ങിയവർ വാർത്താ സമ്മേളനത്തിൽ പങ്കെടുത്തു.