ന്യൂഡൽഹി: മ്യാൻമറിൽ കുടുങ്ങിയ മലയാളികളടക്കം 27 ഇന്ത്യക്കാരെക്കൂടി നാട്ടിലെത്തിക്കുന്നതിനുള്ള നടപടികൾ പുരോഗമിക്കുന്നു. മ്യാൻമർ ഇന്ത്യൻ സ്ഥാനപതി വിനയ്‌കുമാർ കെ.സി. വേണുഗോപാൽ എം.പിയെ ആണ് ഇക്കാര്യം അറിയിച്ചത്. ആലപ്പുഴ സ്വദേശികളടക്കമുള്ളവരുടെ മോചനത്തിനായി കെ.സി. വേണുഗോപാൽ വിദേശകാര്യമന്ത്രി എസ്. ജയശങ്കറിന് കത്തയച്ചിരുന്നു. തൊഴിൽ തട്ടിപ്പിനെ തുടർന്ന് കുടുങ്ങിയ മുഴുവൻ ഇന്ത്യൻ പൗരന്മാരെയും സുരക്ഷിതരായി മടക്കിയെത്തിക്കാൻ നടപടിയെടുക്കണമെന്ന് വിദേശകാര്യമന്ത്രിയോട് അഭ്യർത്ഥിച്ചിട്ടുണ്ടെന്നും കെ.സി. വേണുഗോപാൽ പറഞ്ഞു.